ეს ღამე ისევ გაფანტავს ნისლებს
ვხედავ წყლის პირას სხედან გედები
ნეტავ ამ ქვეყნად თუ ვინმე მისმენს
უგზო უკვლოდ რომ დავეხეტები.

ეს ღამე ისევ იტაცებს მზის ფერს
და აღარ არის ქვეყნად ნათელი
რა მეშველება ნეტა მე იმ დღეს
როცა ჩაქრება გრძნობის სანთელი.

ეს ღამე ისევ აღმერთებს ცისფერს
და ლურჯ ფერებად მელანდებოდი
მთელი სამყარო ებრძოდა სიცხეს
მე კი წყლის პირას გელოდებოდი.