ჯვარო ამაღლდი, ამაღლდი გადაეფარე ქართლის მთებს

ანგელოზების გალობა მოუვლენია მაღლა ღმერთს

მეორედ მოსვლას გვაუწყებს ცეცხლით, მახვილით მოსული

წყალდიდობებით, მიწისზვრით პირიდან ცეცხლგადმოსული

ღარიბს მდიდრისგან განარჩევს კეთილს კი ბოროტისაგან

თხებს ცხვრებისაგან გამოყოფს, წერტილს დაუსვავს ღვთისაგან

დიდს და პატარას შიშსს მოჰგვრის დრო დადგა ბოლოჟამისა

ბნელეთს შავს კუპრში ჩააგდებს ნათელთ შეგვმოსავს უფლისა

დრო გარდასულა ბოროტის გველის მოდგმა ქვესკნელისა

გზა დაელოცოს მომავალს უმანკო კეთილ კრავისა

იხარებს დედამიწაზე სიკეთე სიყვარულისა

ჯოჯოხეთს კარს მიუკეტავს სამება და სამოთხისა

აღარ იქნება ტკივილი ღარიბი, მონა მიწისა

მჩაგვრელიც არ გვეყოლება პურს შეჭამს სამართალისა

მაშ, ყველამ ერთად ვადიდოთ: მშვიდობა ჩვენ და მშვიდობა

ვუგალობოთ და ვილოცოთ: დიდება უფალს დიდება

მზეო, სხივებით შემოსე... აფხაზეთი, სამაჩაბლო

ღმერთო აკურთხე დალოცე ერთიანი საქართველო...