მანძილი შენამდე გადიდდა, 
დროც გაიწელა ვატყობ,
არ გენატრები?_რა მოხდა,
მე ხომ სულ მუდამ გნატრობ.
მე ცას შევცქერი ახლა, 
იქნებ ვარსკვლავთან გნახო,
იქნებ ისევ ვარ ბავშვი,
და იმიტომაც გნატრობ.
შენამდე მოვსდევდი ბილიკებს,
შენც დარჩენილხარ მარტო,
ჩემგან შენამდე მანძილი,
როგორ გაზრდილა... გდარდობ...
იქნებ შენ მიყვე ბილიკებს,
გზა შეამოკლო გულით,
დროც ასე აღარ გაივლის,
და შენ დაასწრებ წამით.
უცებ რაღაცამ მანძილი,
კვლავ შეამოკლა ვხედავ,
დროსაც მოუწევს სირბილი,
თუ აყვა გულის ძგერას... "

/// დიკ კარტოზია//