არ იყო არაფერი დრომდე,

თვით დროც არ იყო დრომდე,

მყოფმა მოგიწოდათ დრომდე

და მღვდლად დაგადგინათ დროში.

გაიხსენეთ აარონი

და გაჰყევით დროთა სივრცეს

ქრისტემდე და ქრისტეს შემდეგ...,

ამ ჟამიდან თქვენც მღვდლად გიცნეს.

სამეუფო გზა ქრისტეა,

მას გაჰყევით ზიარებით;

აზიარეთ მრევლიც უფალს

და განიღმრთეთ ზიარებით.

ჩამოსული მადლი თქვენში

აქადაგეთ სათნოებით;

უფლის სიტყვა სთესეთ მრევლში

ღვთის საქებლად, თავმდაბლობით.

მრევლი თქვენი ოჯახია,

განმგებელი თვით ქრისტეა;

ერთი დიდი ოჯახია

ეკლესია, ქრისტესია.

მაშ იღვაწეთ თავმდაბლობით

და საქმით სთქვით სანუგეშო;

ილოცეთ და იმარხულეთ,

რომ სიწმინდით ანუგეშოთ:

მრევლი ჭრელი, დაბნეული

და მიეცით აზრი უფლის!

თქვენში მადლით დანერგილი.

თქვენში სწავლი დანერგილი.

მოუსმინეთ წმინდა მამებს

გასწავლიან მღვდლობას საქმით;

სიტყვა თქვენი საკმეველი

ზეცას რომ სწვდეს სათნო საქმით.

გაიხსენეთ აარონი

და გაჰყევით დროთა სივრცეს

ქრისტემდე და ქრისტეს შემდეგ...,

ამ ჟამიდან თქვენც მღვდლად გიცნეს.

                                     04.04.12წ.

                           მამუკა თეთრაძე