ვარსკვლავებს ცაში როცა ვუყურებთ

ვხედავთ მნათობთა შუქთა ერთობას,

ღვთის ძალით დგანან ჰარმონიულად

და გვასწავლიან ნათელ ერთობას.

სიტყვა შედგება ასოებისგან,

ასო ასოსთან სიტყვას წარმოქმნის,

ერი შედგება იმ ხალხებისგან

ერთობის ძალით ერის მეს რომ ქმნის.

ერთა მეობა მრავალფერია

და ყველა ერი ერთადერთია.

სად არის კიდევ სხვა საქართველო?!

არ არის, რადგან ერთი ერია.

როგორც ბიბლია ერთია სულით

და კაცთა მოდგმას აერთიანებს,

ეროვნულობაც ერთია ჩვენში

და ქართველობას გვაერთიანებს.

როცა გადაბმულ მთებს ვაკვირდებით

თითქოს შეკრულან ერთი ერივით,

ასე შევიკრათ ჩვენც ამ მთებივით,

ნუ გავიყოფით, ძმებო, მტრებივით!

როგორც სვანური კოშკები დგანან

ირგვლივ სახლების მუდამ მცველებად,

ჩვენც ასე დავდგეთ საქართველოსთვის

-წარსულის, აწმყოს დიდ დამცველებად.

ჩვენ ერთი ერი ვართ დიდი წარსულით,

მოსიყვარულე, მებრძოლი სულით,

მტერს არ დავნებდით, ნურც დავნებდებით!

დავდგეთ აღვსილნი ღვთის წმინდა სულით.

დავდგეთ ერთობით ქართველო ძმებო,

ჩვენი ნიჭებით ღმერთს ვემსახუროთ

-ლოცვით და მარხვით, შრომით, სიფხიზლით,

თავდადებულად ღმერთს ვემსახუროთ.

ჩვენ თუ ჩვენს გულებს მტრისგან დავიცავთ

და გული წმინდით წმინდად ვიცხოვრებთ,

ერის ღირსება გადაგვირჩება

და ღმერთის ძალით ისევ ვიცოცხლებთ.

მტკიცე ერთობით, ღვთისმოსაობით

გაგვამთლიანებს ჩვენ სულიწმინდა,

მაშინ სამშობლოც გამთლიანდება;

ღმერთო მოგვეცი ჩვენ გული წმინდა.

                                      29.06.10წ.

                                    მამუკა თეთრაძე