ღმრთივსულიერი წმინდა აზრები
მიმოფენილა სხვადასხვა დროში,
დაუწერიათ წმინდა ფრაზები
ჩვენთვის ზეკაცებს,* ვკითხულობთ დროში:
_ბიბლიას, მეფეს მეფეთა შორის,
სასულიერო წიგნების საყრდენს,
მიწას მადლიანს ჩვენს ფეხთა შორის,
გაფენილ ბილიკს, ნათელს ზედ სარბენს,
მის თავ-მუხლებთან მუდამ მისარბენს,
გულის მანანას, სულთა ღმრთივსაზრდელს,
დედის ძუძუს, მადლს, წმინდანად გამზრდელს,
ღვთიურ მარცვალს მას ჩვენში გასაზრდელს,
მარილსიწმინდეს-კაცის შემნახველს,
სულთა გონს, თვალებს, ბრმის მკურნალგამხელს,
ბიბლიოთეკის წიგნთა დედა ხეს
ვკითხულობთ დროში უკვდავსარგებელს,
ვკითხულობთ გულით და მასთან ერთად,
მის შუქნათელზე წიგნებს სულიერს
და სწორად განსჯით ვიღებთ იმ ნათელს,
ღვაწლით ცვილდამწველს იმ უქრობ სანთელს,
რომელიც გულებს ბეთლემად აქცევს
და შეახვედრებს,
და შეახვედრებს,
და შეახვედრებს ცადამყვანებელს
მომზადებულებს, ნათლით შემკულებს.

მამუკა თეთრაძე
12.07.12წ.

*  მოსედან მოყოლებული იოანე ღმრთისმეტყველის ჩათვლით