ქალაქში მეფობს ყინვა და შიში
მესაფლავეებს უთხრიან სამარეს
აქ სიმართლეს არ გეტყვიან პირში
ბოღმა და შური შეცვლიან ალერსს
მიჭირს ძვირფასო ძალიან მიჭირს
ვეღარ გავუძლებ ასეთ სიცივეს
სულ შეიცვლება ის კარგი ბიჭი
ამ გეენაში თავს რომ იმცირებს
დღე დღეებს მისდევს წლები კი წლებს ცვლის
სიცოცხლის ბოლოს გედიც იტირებს
ნეტავ მანახა თუ ვინმე შემცვლის
ან თუ ოდესმე შეცვლას მიპირებს
დროა ყორნებმაც გაშალეს ფრთები
შავი აჩრდილი ისევ მეახლა
მე მტკვრის ნაპირას ვზივარ და ვკვდები
რომ დავიბადო ისევ ხელახლა.