ჩვენი გადამრჩენელია
მხოლოდ წმინდა სამება,
ქართველი ხალხის სიმრავლე
და მისი ერთსულოვნება.
ელიას მთაზე ავაგეთ
წმინდა სამების ტაძარი.
სიმაღლით ცათამბჯენია,
ღვთიური მადლით გამთბარი.
ქართულ ჩუქურთმის სიუხვე
შეთვისებია ფასადებს,
გამოსახულით ტაძარზე
ქართული სული ღაღადებს.
ზეცას მიფრინავს შენობა,
როგორც არწივი ლაჟვარდში,
ეს არის სახლი ღმერთისა
ქართველთა გარემოცვაში.
თურმე მეოთხე ყოფილა
მთელი მსოფლიოს ფონზე,
მის შემხედვარე ქართველნი
დროა, მოვიდეთ გონზე.
კომპოზიცია ქართული:
პროპორციები კახური,
ქართულ ჩუქურთმის დახვეწა -
უფაქიზესი კოლხური.
სვეტიცხოველი მცხეთაში,
სამება - დედაქალაქში,
ქართველთ დიდ რწმენას გვიღვივებს,
ვიყოთ მის ერთგულებაში!

რეზო მაისურაძე