სული.:      ღმერთმა ინება ერთად შეგვყარა უბიწოებით,

               ახლა ერთმანეთს განვეშორებით ბევრი ცოდვებით.

               შეგიმოსე და შენ დამიმონე ხორცო ცოდვებით,

               მადლდაშრეტილი შენდობას ვითხოვ ღმერთო გოდებით.

ხორცი.:      შემიმოსე და მე დაგიმონე, რადგან ვერ მმართე,

                მთელი ცხოვრება ცოდვით ვიარე, ნეტა გემართე!

                ჩემთვის ცხოვრება იყო სიამე და გზა კი ფართე,

                რა დავიმართე! შემინდე ღმერთო, რა დავიმართე!

სული.:      იყვნენ ისეთნიც, რომელთაც ხორცი სულითა მართეს,

               სინდისიერად გამართლებულნი შეერთვნენ მართლებს.

               მე კი რა ვიყავ_სინდისის ურჩი! რა გამამართლებს?!

               შეგცოდე ღმერთო, მომიტევე, მივბაძავ მართლებს.

ხორცი.:      ეს მხურვალება ნეტა უწინ ადრეც გვქონოდა

                და სიკვდილამდე გულს სინანული ნეტა ჰქონოდა.

                ახლა კი ვნანობთ მაგრამ ნეტა ადრეც გვენანა!

                ვაი რომ ცრემლი განწმენდისთვის ჩვენ დაგვენანა.

სული.:      სხვა რა მოვიგე ამ ქვეყანაზე შენს გარდა ხორცო?!

               და შენც მშორდები რადგან სიკვდილმა სიკვდილი მოგცხო.

               აი სიკვდილიც მალე დამხსნის ჩემს სამოსელსა,

               შენ გაიხრწნები მე კი ვიქნები დროებით ზეცას.

ხორცი.:      ვაი რომ მალე მოვკვდები..., მიწაში მიწად ვიქცევი;

                შენ ჩემო ცოდვილო სულო ცოტაც და გარდაიცვლები.

                რანი ვიყავით... უბიწო; ახლა ცოდვილად ვიქეცით,

                ცოცხალო უმადლოდ მკვდარო ბნელეთად გადავიქეცით.

ავაზაკი.:      ნეტა მეცხოვრა სინდისიერად სიყვარულისთვის

                  და სიყვარულით სიყვარულის მიმსგავსებისთვის.

                 ავაზაკი ვარ გვიან მოსული აღსარებისთვის,

                 ახლა შეგიცან პატიებას გხთოვ ღმერთო ცოდვისთვის.

                 ახლა შეგიცან პატიებას გხთოვ ღმერთო ცოდვისთვის.

თბილისი 2009წ.

მამუკა თეთრაძე