ნუ გაიკვირვებთ... თუ თვალებში ნაღველი ჩადგა,
ბაგეს ღიმილი ახატია ყალბი ჩვენებით,
ნუ გაოცდებით თუ თვალები რაღაცას მალავს,
და ლამაზ ბაგეს ბევრი რამე დარჩა უთქმელი.
ნუ გაიკვირვებთ...ქალბატონო მრისხანე აპრილს,
მერე რა მოხდა, გაზაფხულს ხომ ასეც სჩვევია,
თუ თქვენს თვალებში მრისხანება იგრძნობა ისევ,,
თქვენს გულს ეტყობა ზამთრის სუსხი შემორჩენია..
ნუ გაიკვირვებთ... თუ ვარდები აყვავდა ადრე,
ან მაისის თვეს სხვა სურნელი როდის ჰქონია,
სევდის მორევში რათ ჩაფლულხართ ლამაზო ქალო,
მაგ თქვენს თვალებში ჩუმი ცრემლის ნაკვალებია.
ნუ გაიკვირვებთ... თუ დღეს ზეცა ისევ ატირდა,
ქარი დაბერავს, ღრუბლებს სადღაც შორით გადაყრის,
თქვენ ქალბატონო არ გიხდებათ ასე მოწყენა,
რა რიგად შვენის მაგ თქვენს ბაგეს ნაზი ღიმილი.
ნუ გაიკვირვებთ... თუ თვალებში ნაღველი ჩადგა,
ბაგეს ღიმილი ახატია ყალბი ჩვენებით,
ლამაზო ქალო... ეგ თვალები რაღაცას მალავს,
და თქვენს ბაგეებს შეშრობიათ ყალბი ღიმილი.