მართალია ცოტა ვერ წარმომიდგენია როგორ შეიძლება ვეგანი ვიყო და არც ავოკადო მხიბლავს დიდად, მაგრამ რაც დრო გადის, ვეგანური საკვები უფრო პოპულარული ხდება მთელს მსოფლიოში და მათ შორი ხაჭაპურისა და ჩაქაფულის ქვეყანაშიც. აი, მაკარონის ქვეყანაში კი ვენაური პიცის მიმდევრები მრავლად არიან. ჩვენი რეცეპტი ბოლომდე ვეგანური არ არის, რადგან მაწონი აქვს (რძის პროდუქტები ვეგანების არცერთი მიმართულებისთვის არაა მისაღები), მაგრამ ვეგეტარიანელები ნამდვილად ისიამოვნებენ.

ვეგეტარიანული პიცა

შემადგენლობა:

• ავოკადო - 2 ცალი
• ისპანახი - 200 გრ.
• ლიმონი - 1 ცალი
• პომიდორი ჩერი - 100 გრ.
• მარილი - გემოვნებით

ცომისთვის:

• ფქვილი - 500 გრ.
• მარგარინი - 150 გრ.
• მაწონი - 250 მლ.
• სოდა - 1/2 ჩ.კ.
• მარილი - 1 მწიკვი

მომზადება:

      ცომის მომზადება: ხელით შეაზილეთ ერთმანეთს დარბილებული მარგარინი და ფქვილი. დაუმატეთ მაწონში გახსნილი სოდა და კარგად მოზილეთ (ცომი უნდა გამოვიდეს მაგარი).

      მოათვსეთ ბლენდერში ერთი ავოკადოს რბილობი, ისპანახი, ლიმონის წვენი და ათქვიფეთ. მიღებულ მასას დაუმატეთ მარილი გემოვნებით და კარგად აურიეთ.

      გააბრტყელოთ ცომი წრის ფორმაზე და მოათავსეთ ღუმელში გამოსაცხობად.

      როცა ცომი გამოცხვება, გააგრილოთ, წაუსვათ მომზადებული მასა, მოაწყეთ მეორე ავოკადოს ნაჭრები და პომიდორი ჩერი.

გემრიელად მიირთვით!