აჭარული ხაჭაპური - ხაჭაპურის ერთ-ერთი სახეობა. წარმოადგენს მოგრძო ფორმის, ღუმელში გამომცხვარ ჩაღრმავებულ მასას, რომელშიც მოთავსებულია ყველი. როგორც წესი, სუფრაზე მირთმევამდე ზევიდან ემატება კვერხი. ჩემთვის აჭარული ხაჭაპური ხაჭაპურების მეფეა!

შემადგენლობა

• ფქვილი - 100 გრამი
• რძე - 50 გრამი (შეიძლება წყალი)
• საფუარი - 2 გრამი
• ყველი - 35 გრამი
• კვერცხი - 2 ცალი
• კარაქი - 20 გრამი
• ხაჭო - 40 გრამი

მომზადება

• ცომის მოსამზადებლად დაგჭირდებათ 2 ჩ/ჭ რძე ან წყალი. გაათბეთ, გახსენით მასში საფუარი, დაამატეთ კვერცხი, ფქვილი და მოზილეთ ცომი.
• ყველის გულსართისთვის ყველი დაჭყლიტეთ, გადაურიეთ კვერცხი.
• როცა ცომი კარგად ამოვა, მოჭერით დაახლოებით 200 გრამი, გააბრტყელეთ 2-3 სანტიმეტრის სისქემდე, მიეცით მოგრძო ფორმა, დადეთ ყველის შიგთავსი ისე, რომ ირგვლივ სამი სანტიმეტრი ცარიელი დარჩეს. შემდეგ გადააფარეთ ნაპირები ყველის შიგთავსს და დადეთ თუნუქის ფურცელზე.
• ნაპირებზე წაუსვით კვერცხი და შედგით აირღუმელში.
• როდესაც შეწითლდება, შუაგულში ჩაახალეთ მთლიანი კვერცხი და კიდევ გააჩერეთ ღუმელში 2-3 წუთი. შემდეგ დაადეთ კარაქის ნაჭერი.
• კერძი მზად არის.

გემრიელად მიირთვით!