ბროწეული მხოლოდ მწვადის გასაფორმებლად ანდა ცოცხალი წვენის მოსამზადებლად როდი გამოდგენა? ჰო - ატლას-ათასის ამბავიც მახსოვს. მაგრამ დღეს ბროწეულის უგემრიელესი და უჯანმრთელესი ტორტი უნდა შემოგთავაზოთ.

შემადგენლობა: 

ბისკვიტისთვის:

• კვერცხი - 10 ცალი
• შაქარი - 10 ს.კ.
• ფქვილი - 12 ს.კ.

კრემისთვის:

• რძე - 500 მლ.
• შაქარი - 200 გრ.
• ფქვილი - 40 გრ.
• კვერცხის გული - 4 ცალი
• ვანილი - 1 შეკვრა
• კარაქი - 100 გრ.

სიროფისთვის:

• ბროწეულის წვენი - 1 ლ.
• შაქარი - 1 ჭიქა
• ბროწეული – გასაფორმებლად

მომზადება:

ბისკვიტი: მოათავსეთ თასში კვერცხის ცილა და ათქვიფეთ. ნელ-ნელა დაუმატეთ შაქარი და ვთქვიფეთ სანამ არ მიიღებთ მყარ მასას. შემდეგ დაუმატეთ კვერცხის გული, ათქვიფეთ, ნელ-ნელა შეაზილეთ ფქვილი, მოათავსეთ საცხობ ფორმაში და გამოაცხეთ.

ბროწეულის სიროფის მომზადება: მოათავსეთ თასში 500 მლ. ბროწეულის წვენი, დაუმატეთ 1 ჭიქა შაქარი და ადუღეთ ნელ ცეცხლზე შესქელებამდე (თან განუწყვეტლივ ურიეთ).

კრემი: გააკეთეთ გოგლი-მოგლი კვერცხის გულით და შაქრით, დაუმატეთ ვანილი, რძე, ფქვილი, კარგად აურიეთ და დადგით ნელ-ცეცხლზე მომზადებამდე (თან განუწყვეტლივ ურიეთ). დარბილებული კარაქი ათქვიფეთ მიქსერით, დაუმატეთ მოხარშული კრემი (ცივი), ბროწეულის სიროფი და თქვიფეთ 10-15 წუთი.

ბისკვიტი გაჭერით ოთხ ტოლ ნაწილად და ფენები დანამეთ ბროწეულის წვენით.

წაუსვით პირველ ფენას კრემი, დაადეთ მეორე ფენა, ისევ წაუსვით კრემი, დაადეთ მესამე ფენა და ასე დასრულებამდე. ტორტი გააფორმეთ ბროწეულის მარცვლებით.