გაგირეცხავთ ოდესმე ხაჭაპური ან ფხლოვანა ან რომელიმე გამომცხვარი ღვეზელი? დღეს ამის რეცეპტსაც გასწავლით. კავკასიაში, ყველი და პური და მისგან შექმნილი ხაჭაპური, ყველა კუთხესა თუ რეგიონში თავისებურად იცვლება - გურიაში მოხარშული კვერცხი დაუმატეს, აჭარლებმა ზედ მოახალეს, ზოგმა ზემოდანაც სულგუნი მოაყარა, ზოგიერთმა შამფურზე წამოაგო, უფრო თანამედროვენი ბეკონით შეკაზმითაც ვართ ცნობილები (იხ. ხაჭაპურის რეცეპტები). შედარებით ჩრდილოეთ ნაწილში, ჩრდილოეთ კავკასიაში, მსგავს კერძებს მეტწილად მწვანილებით აწყობენ.

      ჩეპალგაში, ტრადიციული ჩეჩნური კერძია სწორედ მწვანილიანი ხაჭაპურების კატეგორიიდან, რომელიც ხაჭოს და მწვანე ხახვისგან კეთდება, თუმცა მისი მომზადება ტრადიციულ გარემოში უმაღლესი ქულებით არის შეფასებული. Qwellynaria კი ექსკლუზიურად გთავაზობთ ჩეპალგაშის რეცეპტს ქართულად, პირველად ქართულ ინტერნეტ სივრცეში.

შემადგენლობა:

• კეფირი/იოგურტი - 500 მლ
• მარილი - ½ ჩ/კ
• პურის ფქვილი - 500-600 გრ
• მწვანე ხახვი - 1 კონა
• სოდა - ½ ჩ/კ
• ხაჭო - 500 გრ.
• კვერცხი - 1 ცალი
• ზეთი - 300 გრ.

მომზადება:

ცომი:

      ჩაყარეთ ფქვილი თასში და მოაყარეთ მარილი. შემთბარ კეფირს დაუმატეთ სოდა, მოასხით ფქვილს და გადაზილეთ რბილი, ერთგვაროვანი ცომის მიღებამდე. გადააფარეთ და გააჩერეთ 30 წუთი.

შიგთავსი:

      ხაჭოს შეაზილეთ კვერცხი, დაუამტეთ წვრილად დაჭრილი ხახვი და საჭიროების შემთხვევაში, მოაყარეთ მარილი გემოვნებით. მთელი ეს მასა, გაყავი 8 ნაწილად.

      გადმოიღეთ ცომი და გაყავი 8 ნაწილად. თითოეული ნაწილი ჯერ ხელით გააბრტყელეთ, მოათავსეთ მის ცენტრში შეიგთავსის 1/8 ნაწილი, შემოუკარით თავები და შემდეგ, საბრტყელებლის დახმარებით მიიყვანეთ ძალიან თხელ, თითქმის ალადების, ხმიადების მსგავს სისქემდე.

      ადეთ ზედ თითოეული ფენა და გამოაცხვეთ, მთავარია ოდნავ შეიბრაწოს ორივე მხრიდან. დასჭირდება 2 წუთი თითოეულ გვერდს.

      საბოლოო იგრედიენტი, ჩაასხით სუფთა თასში ან ქვაბში ცხელი წყალი და თითოეული მზა ჩეპალგაში ამოავლეთ იქ (მიმწვარი ადგილების და ზედმეტი ფქვილის მოსაცილებლად). დაალაგეთ ფენები ერთმანეთზე ბლინების სახით.

      P.S. ტრადიციულად, ამ კერძს მიირთმევენ ბევრ ცხიმთან ერთად, უმეტესწილად გამდნარ კარაქთან. ცხადია, მის გარეშეც უგემრიელესი იქნება.

      P.P.S. ასე მარტივ გამოსაცხობიც არ გეგონოთ, მისის სისქიდან გამომდინრე, შეიძლება ის გაგისკდეთ, ან წყალში ამოვლებისას ძალიან დაგირბილდეთ და გაფუჭდეს, ამიტომ ჩეჩნეთში ითვლება, რომ ამ კერძის გაკეთება ყველა ქალმა უნდა იცოდეს, თუმცა მხოლოდ ერთეულებს შეუძლია მისი სწორად და კარგად გამოცხობა - იმ ერთეულებს კი კულინარიის უმაღლესი ჯილდო აქვთ.