ჩვენ, დიეტოლოგებს განსაკუთრებით გვიყვარს ტკბილეულზე აკრძალვების დაწესება, მაგრამ ისეთი ტკბილეული და დესერტებიც მოიპოვება მთელი მსოფლიოს გარშემო, რომლის ჭამა დღის ნებისმიერ მონაკვეთში შეიძლება, ბოლო-ბოლო თუნდაც იმიტომ, რომ ამ ტორტს დღე და ღამე ჰქვია. სადღეღამისო ტორტია როგორც დიზაინით, ასევე თავისი გემრიელობით.

შემადგენლობა:

ბისკვიტი:

• ფქვილი - 1 ჩ.ჭ.
• კვერცხი - 3 ცალი
• შაქარი - 1 ჩ.ჭ.
• შავი შოკოლადი - 150 გრ.
• რძე - 3 ს.კ.
• გამაფხვიერებელი - 1 ჩ.კ.

თეთრი შოკოლადის განაში:

• ნაღები (35%-იანი) - 100 გრ.
• თეთრი შოკოლადი - 150 გრ.

შავი შოკოლადის განაში:

• ნაღები (35%-იანი) - 200 გრ.
• შავი შოკოლადი - 250 გრ.

შოკოლადის მინანქარი:

• შავი შოკოლადი - 200 გრ.
• შაქრის ფხვნილი - 3 ს.კ.
• შაქრის სიროფი - ¼ ჭიქა
• კაკაოს ფხვნილი - 6 ს.კ.
• წყალი - 2 ს.კ.
• რომი - 1 ს.კ.
• კარაქი - 200 გრ. 

მომზადება:

      1. ბისკვიტის მომზადება: კვერცხის გული ათქვიფეთ შაქართან ერთად. შოკოლადი და რძე გაადნეთ ორთქლზე, დაუმატეთ კვერცხის გულებს და კარგად აურიეთ. ცალკე ათქვიფეთ ცილისგან ბეზე და შეუირიეთ შოკოლადიან მასას. შემდეგ ნელ-ნელა შეათქვიფეთ ფქვილი და გამაფხვიერებელი. ცომი გადაიტანეთ ცხიმწასმულ ოთკუთხედ ფორმაში და შედგით ღუმელში 180 გრადუსზე.

      2. შოკოლადის განაშის მომზადება: მოამზადეთ თეთრი და შავი განაში ცალ-ცალკე - ნაღები მიიყვანეთ ადუღებამდე, დაასხით დაქუცმაცებულ შოკოლადს და ურიეთ სანამ არ მიიღებთ ერთგვაროვან მასას.

      3. შოკოლადის მინანქრის მომზადება: მოათავსეთ ინგრედიენტები თასში და ადუღეთ ნელ ცეცხლზე შესქელებამდე.

      4. ბისკვიტი გაჭერით თხელ ფენებად და ფენებს შორის წაუსვით თეთრი და შავი შოკოლადის განაში ერთმანეთის მონაცვლეობით. შემდეგ მთელი ზედაპირი დაფარეთ შოკოლადის მინანქრით და შედგით მაცივარში 2-3 საათით.