ამერიკული კულინარიული კულტურის, ჩვენებური ფუნჩულას (პონჩიკის) ვერსია - დონატები თანამედროვე სამყაროს ერთ-ერთი ყველაზე მოთხოვნადი პროდუქტია ჩქარამჭამელების მენიუში. დონატებს შორის კი კლასიკაა დარიჩინის დონატი, რომლის განსაკუთრებულ და ხშირადგამოცდილ რეცეპტსაც Qwellynaria გთავაზობთ.

შემადგენლობა

დონატისთვის:

• საცხობი სპრეი ფქვილთან ერთად (თანამედროვე კულინარიაში საცხობ სინზე, ტაფაზე ცხიმის წასმის ნაცვლად ხშირად გამოიყენება საცხობი სპრეი, წარმოდგენილი დონატისთვის გირჩევთ "Baker's Joy"-ს სპრეის. მოიკითხეთ ჰიპერმარკეტებში.)
• 2 ჭიქა ფქვილი
• 1½ ჭიქა შაქარი
• 2 ჩ/კ გამაფხვიერებელი
• 1 ჩ/კ დარიჩინი
• ½ ჩ/კ ჯავზის (მუსკატი) ფხვნილი
• ½ ჩ/კ მარილი
• 1 მოზრდილი კვერცხი
• 1¼ რძე
• 2 ს/კ კარაქი
• 2 ჩ/კ ვანილის ექსტრაქტი

მოსასმელად

• 8 ს/კ (1 ჩხირი) უმარილო კარაქი
• ნახევარი ჭიქა შაქარი
• ნახევარი ჩ/კ დარიჩინი

მომზადება

• გაახურეთ ღუმელი 350 გრადუსზე. მოასხით სპრეი დონატის საცხობს (თუ ვერ იშოვეთ სპრეი, ნაცადი და გამოცდილი მეთოდით - კარაქით გაპოხეთ საცხობი).
  
• თასში აურიეთ ფქვილი, შაქარი, გაფახვიერებელი, დარიჩინი, ჯავზი და მარილი.
• ცალკე თასში აურიეთ კვერცხი, რძე, მდნარი კარაქი და ვანილის ექსტრაქტი. ნარევი მოასხით პირველ - მშრალ ნარევს და ურიეთ ვიდრე ერთიან მასას არ მიიღებთ.
• გადაიტანეთ მასა დონატის საცხობებში და წრეები შეავსეთ 3/4-ის სისქეზე. შედგით ღუმელში 15-17 წუთით. კბილისჩხირებით ან ასანთის ღერით შეამოწმეთ. როცა გამოცხვება გამოიღეთ და აცადეთ გაგრილება 5 წუთით. შემდეგ, დააკაკუნეთ საცხობი და დონატები გამოყარეთ პერგამენტზე.
• მოსასმელად უმარილო კარაქი მოუსვით დონატებს და შემდეგ, თასში კარგად გადარეული შაქარი და დარიჩინი მოაყარეთ, გნებავთ ერთი გნებავთ ორივე მხრიდან.

დაელოდეთ ცოტა ხნით და გემრიელად მიირთვით.