შემადგენლობა

1. მუხუდო 500 გ
2. ხახვი 2 თავი
3. ნიორი 6 კბილი
4. ქინძი 2 კონა
5. ოხრახუში 2 კონა
6. რეჰანი 1 კონა
7. ძირა 1/2 ჩ.კ
8. დამბალი პური 1 ნაჭერი
9. გამაფხვიერებელი 1 პაკეტი
10. მარილი და პილპილი
11. ზეთი შესაწვავად

მომზადება

• მუხუდოს მარცვლებს დაასხით წყალი და მთელი ღამით გააჩერეთ. დამბალი მუხუდო დააბლენდერეთ ან საკეპ მანქანაში გაატარეთ (პირველად აუცილებლად უნდა გაატაროთ მსხვილნახვრეტიან ბადეში, შემდეგ კი საშუალონახვრეტიანში).
• ასევე გაატარეთ ხახვი, ნიორი, მწვანილები და პური. შეაზავეთ მარილით, პილპილითა და ძირათი. ბოლოს დააყარეთ გამაფხვიერებელი და კარგად აზილეთ. ისეთი მასა უნდა მიიღოთ, რომ ხელით ბურთულები შეკრათ, ამიტომ, თუ მასა ძალიან ფხვიერი გამოგივიდათ, დაუმატეთ ცოტაოდენი წყალი. გამზადებული მასა 1 საათი გააჩერეთ. ქვაბში ჩაასხით ზეთი და ვიდრე კარგად გაცხელდება, მუხუდოს მასისაგან გაამზადეთ კაკლისოდენა ბურთულები. ადუღებულ ზეთში კი ბურთულები სათითაოდ ჩაყარეთ. ეცადეთ, ერთმანეთს არ მიეწებოს, მაგრამ თუ მაინც მიეწება, ადროვეთ, და რომ შეიწვება, ერთმანეთს თვითონ მოსცილდება.
• ბურთულები რომ დაიბრაწება და გაყავისფრდება, ქაფქირით ამოიღეთ განიერ თეფშზე, რომელზეც საშრობი ქაღალდი გექნებათ დაფენილი (რათა ზედმეტი ცხიმი შეიწოვოს). ფალაფელი უნდა მიირთვათ ცხლად. ძალიან უხდება ბოსტნეულის სალათა.
• ფალაფელი გაცივდება თუ არა, ოთახის ტემპერატურაზე ნუ დატოვებთ. უმჯობესია მაცივარში შეინახოთ და შემდეგ ან მიკროტალღურ ღუმელში გაათბოთ ან ტაფაზე, ცოტაოდენ ზეთში გააცხელოთ.