Feijoada ტიპიური პორტუგალიური კერძია, თავდაპირველად მას  პორტუგალიის კოლონიებში ამზადებდნენ...

ბრაზილია, მაკაო, ანგოლა ერთ-ერთი პირველები იყვნენ სადაც ეს კერძი დააგემოვნეს...

კერძის სახელწოდება მოდის სიტყვიდან Feijão, რაც პორტუგალიურად ლობიოს ნიშნავს

როგორც ამბობენ ამ კერძის იმდენი რეცეპტი არსებობს რამდენი დიასახლისიც, თუმცა მისი ძირძველი რეცეპტი პორტუგალიის რეგიონის ბეირას მცხოვრებთ ეკუთვნით.

Feijoada  პორტუგალიის მსგავსად,  ბრაზილიაშიც ტრადიციულად ითვლება, თუმცა ბრაზილიური Feijoada აუცილებლად მზადდება შავი ლობიოსა და სამი სახის ხორცისგან - შებოლილი, დამარილებული და ახალი.

QwellyNaRiA_ც სწორედ ბრაზილიურ ვარიანტს გთავაზობთ, ბრაზილიელი ბებიის რეცეპტით...

შემადგენლობა:

1. 450 გრ შავი ლობიო
2.  4 ს/კ ზეითუნის ზეთი
3. 450 გრ დაჭრილი  ღორის ბეჭი
4. 2 ცალი დაჭრილი, დიდი ხახვი
5. 1 თავი ნიორი, გასუფთავებული, დაჭრილი
6. 225 გრ ძეხვი ( ჩორიზო ან იტალიური ძეხვი)
7. 450 გრ დამარილებული ძროხის ხორცი, (ნაჭრებად დაჭრილი)
8. 450 გრ შებოლილი ძეხვი
9. 3-4 ცალი დაფნის ფოთოლი
10. წყალი
11. მარილი
12. 400 გრ დაჭრილი პომიდორი

მომზადება:

• გასუფთავებულ ლობიოს დაასხით ადუღებული წყალი და გააჩერეთ დანარჩენი ინგრედიენტების მომზადებამდე.
• განიერ დაფა დადგით საშუალო ცეცხლზე, დაასხით ზეითუნის ზეთი და დააწყვეთ ღორის ხორცი, როცა შეიწვება ამოიღეთ ტაფიდან,
• ამავე ტაფაში მოშუშეთ დაჭრილი ხახვი, შემდეგ მოაყარეთ მარილი, დაამატეთ ნიორი და გააჩერეთ კიდევ 2 წუთი. შემდეგ ღორის ხორცი და ასევე დანარჩენი ხორციც მოათავსეთ ტაფაზე, დაასხით საკმარისი წყალი რომ დაფაროს ხორცი, დაამატეთ დაფნის ფოთლები დააფარეთ და ადუღეთ დაახლოებით 1 საათი.
• შემდეგ გადაწურეთ ლობიო და დაამატეთ ხორცს, დააფარეთ და ადუღეთ 1 საათი, სანამ ლობიო არ მომზადდება.
• ლობიოს მომზადების შემდეგ დაამატეთ პომიდორი, კარგად მოურიეთ და ადუღეთ თავახდილი, სანამ ხორცი ძირს არ ჩავა, დაახლოებით 2-3 საათი.

მიირთვით ბრინჯსა და ცხარე საწებელთან ერთად