წინასწარი განწყობა რომ უარყოფითი არ იყოს, შესავალშივე გეტყვით - ფორმა სახელის შესაბამისი არ აქვს - ორ ფუნთუშას შორის მოქცეული პიცა არ არის, ნამდვილი პიცაა განსხვავებული იგრედიენტებით.

შემადგენლობა:

• სოსისი „ივერია“ – 300 გრ.
• ყველი - 200 გრ.
• პომიდორი - 2 ცალი
• ხახვი - 1 თავი
• მდოგვი - გემოვნებით

ცომისთვის:

• ფქვილი - 350 გრ.
• საფუარი - 2 ჩ.კ.
• წყალი - 200 მლ.
• ზეითუნის ზეთი - 3 ს.კ.
• მარილი - 1 მწიკვი
• შაქარი - 1 მწიკვი

პიცის სოუსისთვის:

• პომიდვრის სოუსი - 400 გრ.
• ტომატი - 170 გრ.
• დაფქული ორეგანო - 1 ს.კ.
• დაქუცმაცებული ნიორი - ნახევარი ჩ.კ.
• დაფქული წიწაკა - 1 ჩ.კ.

მომზადება:

      გაცერით ფქვილი, დაამატეთ საფუარი, მარილი და შაქარი. დაასხით წყალი, დაამატეთ ზეითუნის ზეთი და კარგად მოზილეთ. მოათავსეთ ცომი ჯამში, გადააფარეთ თბილი ქსოვილი და დატოვეთ 1 საათით. როცა ცომი ამოვა, კიდევ ერთხელ კარგად ჩაზილეთ 2-3 წუთის განმავლობაში.

      პიცის სოუსის მომზადება უმარტივესია. უბრალოდ აიღეთ და სოუსის ინგრედიენტები მოათავსეთ თასში და კარგად აურიეთ.

      გააბრტყელეთ ცომი წრის ფორმაზე, გვერდებზე შემოუწყეთ სოსისი წრეწირზე და გადაახვიეთ ცომში. შუაგულში წაუსვით პიცის სოუსი, მოაყარეთ ყველი (უხდება ჩედარი), რგოლებად დაჭრილი სოსისი, პომიდორი, ხახვი, მოასხით მდოგვი და მოათავსეთ ღუმელში გამოსაცხობად.