ზაფხულის ცხელი დღის შემდეგ, თუ გადაწყვეტთ დაპატიჯიოთ მეგობრები და მოუმზადოთ რაიმე განსაკუთრებული, Qwellynaria გთავაზობთ უგემრიელეს ჟოლოს ნამცხვარს.

ფხვიერი ცომის შემადგენლობა:

1. ფქვილი - 250 გ;
2. შაქრის პუდრა - 75 გ;
3. თხლად დაჭრილი ცივი კარაქი - 150 გ;
4. კვერცხი - 1 ცალი.

დამატებითი მასალა:

1. შოკოლადი - 50 გ
2. ავოკადო - 1 ც.
3. ლიმონის წვენი - 1 ს.კ.
4. ნაზი ხაჭოსებრი ყველი - 150 გ
5. შაქრის პუდრა - 50 გ
6. ნაღები (ცხიმ. 33-35%) - 150 გ
7. ლიმონის მჟავა - 1 მწიკვი
8. ჟოლო - 400 გ
9. ცხიმი, პერგამენტი
10. წიწიბურას ან ლობიოს მარცვლები - დაახლ. 500 გ (ცხობის დროს ტარტის ფორმის გამოსაყვანად)

მომზადება:

გააცხელეთ ღუმელი და ფორმას წაუსვით ცხიმი.

ფქვილს დაუმატეთ შაქრის პუდრა, კარაქი, კვერცხი, მოზილეთ ერთგვაროვანი ცომი და თხლად გააბრტყელეთ.

ფორმის ძირი და გვერდები დაფარეთ ცომით და ჩანგლით დაჩხვლიტეთ. დააფარეთ პერგამენტი, სიმძიმისთვის დააყარეთ წიწიბურა, აცხვეთ 200 გრადუსზე 15 წუთით. გადმოდგით და მოაცილეთ პერგამენტი.

შოკოლადი გაადნეთ ორთქლზე და წაუსვით ნამცხვრის ფსკერს.

გათლილი ავოკადოს, ლიმონის წვენის, ყველისა და შაქრის პუდრისაგან გააკეთეთ პიურე. ნაღები და ლიმონის მჟავა ათქვიფეთ გამაგრებამდე და შემდეგ შეურიეთ პიურეს.

მიღებული კრემი წაუსვით ნამცხვარს და ბოლოს თანაბრად მოაყარეთ ჟოლო ზედაპირზე.

გემრიელად მიირთვით!