ზამთრის სუსხიანი დღეების თბილად და გემრიელად გასატარებლად ერთმა მზარეულმა თბილ სამზარეულოში ფუსფუსი გადაწყვიტა...

და ზაფხულს მონატრებულმა კენკროვანი, ტკბილი ნამცხვარი გამოაცხო...

შედეგით აღფრთოვანებულმა არც რეცეპტის გაზიარება დაიზარა და ქველინარიას გამოუგზავნა.

შემადგენლობა:

შოკოლადის ბისკვიტი:

1. შოკოლადის ორცხობილა - 1 1/2 პაკეტი
2. კარაქი - 120 გრ

ჩიზქეიქი:

1. მდნარი ყველი - 227 გრ
2. შაქარი - 200გრ
3. ფქვილი - 30 გრ (2ს.კ)
4. ვანილი - 1 ს.კ.
5. მარილი - 1/2 ს.კ
6. კვერცხი - 3 ცალი

მინანქარი:

1. მოცვი - 200 გრ
2. სმაროდინა - 160 გრ
3. შაქარი - 200 გრ
4. სიმინდის ფქვილი - 3 ს.კ (45 გრ.)
5. ლიმონის წვენი - 1 ს.კ.
6. ლიმონის კანი - 1/2 ს.კ (გახეხილი)

მომზადება: 

• შოკოლადის ორცხობილები დააბლენდერეთ, დაამატეთ გამდნარი კარაქი და განაგრძეთ ერთგვაროვანი მასის მიღებამდე.
• მიღებული მასა მოათასეთ საცხობის ფორმის ძირზე და გვერდებზე.
• გამოაცხეთ 177 გრადუსზე, 10 წუთის განმავლობაში. გამოიღეთ ქურიდან და გააციეთ.

• მდნარი ყველი ათქვიფეთ გლუვი მასის მიღებამდე
• თანდათან დაამატეთ შაქარი
• შემდეგ დაამატეთ ფქვილი, მარილი, კვერცხი, ვანილი და თქვიფეთ 2-3 წუთი, გლუვის მასის მიღებამდე.
• მიღებული მასა ჩაასხით შოკოლადის ბისკვიტში
• შედგით წინასწარ გაცხელებულ ღუმელში 177 გრადუსზე, 1 საათით.
• შემდეგ გამოიღეთ ღუმელიდან, გააციეთ და შეინახეთ მაცივარში 4 საათით.

მინანქარი

• ყველა ინგრედიენტი მოათავსეთ ქვაბში, მოამზადეთ საშუალო ცეცხლზე დაახლოებით 10-12 წუთი, ნარევი უნდა გათხელდეს და დაიწყოს დუღილი. დროდადრო ურიეთ.
• ადუღების შემდეგ ცეცხლზე დატოვეთ კიდევ 2 წუთი, თან ურიეთ.
• მომზადების შემდეგ მიქსტურა გადაიტანეთ მინის ან კერამიკის ჭურჭელში და კარგად გააციეთ. 
• გაციების შემდეგ ჩიზქეიქის მოასხით ზემოდან.