ლიმონისგან განსხვავებით, მას უფრო თხელი კანი აქვს, უფრო თხელი და ყვითელი გული, უფრო მჟავეა და ზოგჯერ უფრო არომატულიც. მისი ცედრა უფრო ხშირად გამოიყენება საკონდიტრო ნაწარმში, ვიდრე თავად ლიმონის. ისიც ციტრუსების ოჯახს განეკუთვნება, თუმცა ლიმონისგან განსხვავებით, ნაკლებადყინვაგამძლეა, ამიტომ საქართველოში ძნელად ხარობს (მიუხედავად იმისა, რომ მწიფობის პერიოდი დეკემბერში აქვს). ესაა პასუხი კითხვაზე - რა განსხვავებაა ლიმონსა და ლაიმს შორის?

      ქველინარია, დღეს ლაიმის ტარტს წარმოგიდგენთ.

შემადგენლობა:

• ტარტის ცომი (იხილეთ შემადგენლობა და რეცეპტი)

გულსართი:

• ახალგამოწურული ლაიმის წვენი - 125 მლ;
• ჟელატინის ფხვნილი - 2 ჩ/კ;
• შესქელებული რძე - 400 გრ;
• წმინდად გახეხილი ლაიმის ცედრა - 3 ჩ/კ;
• 3 მოზრდილი კვერცხის გული;
• ცხიმიანი ნაღები - 300 მლ.

მომზადება:

      წინასწარ გააცხელეთ ღუმელი 180 გრადუსზე (ნიშნული 4).

      წაუსვით ცხიმი 21 სმ დიამეტრიან ტარტის ყალიბს, რათა ადვილად გადმოიღოთ ნამცხვარი გამოცხობის შემდეგ; ცომი გამოიღეთ მაცივრიდნ და საცხობ ყალიბში მოთავსებამდე გააბრტყელეთ 5 მმ სისქეზე. გადაიტანეთ ყალიბში და გვერდებიდან ზედმეტი ცომი ჩამოაჭერით. ისევ შედგით მაცივარში გასაციებლად 30 წუთით;

      გამოიღეთ, თავზე დააფარეთ პერგამენტის ქაღალდი და მშრალი, მარცვლეული (ბრდა, ცერცვი, ოსპი, ბრინჯი და სხვა) მოაყარეთ სიმძიმისთვის.

      აცხვეთ 12 წუთი, აიღეთ ქაღალდი და კიდევ 5 წუთი აცხვეთ, სანამ ღია ოქროსფერს არ მიიღებს. მოაცალედ ქაღალდი და სიმძიმე და დადგით გასაციებლად.

გულსართი:

      ლაიმის წვენს პატარა ქვაბში დაუმატეთ ჟელატინი. დადგით 5 წუთით. საშუალო ზომის ჯამში მიქსერით, მაღალი სიჩქრით, გათეთრებამდე ათქვიფეთ კვერცხის გულები. ჟელატინიანი ლაიმის წვენი დადგით დაბალ ცეცხლზე, სანამ ჟელატინი სრულად გალღვება.

      შესქელებული რძე, ლაიმის წვენის ნაზვი დ 1 სუფრის კოვზი ლაიმის ცედრა გოგლიმოგლს დაუმატეთ, განგრძეთ თქვეფა. გულსართი ჩაასხით უკვე გამომცხვარ ცომში, გააცივეთ, სნამ გამაგრდება, 3 საათის განმავლობაში.

      პატარა ჯამში მიქსერით ათქვიფეთ ნაღები. ტარტს კოვზით დაადეთ ნაღები და მოაყარეთ მორჩენილი ლაიმის ცედრა.

      გემრიელად მიირთვით.