ტარტების სამყაროში განსაკუთრებული პოპულარობით და სიყვარულით, მოკრძალებითა და მონატრებით, თუმცა ფასიდან გამომდინარე, ხელშეუხებლობით სარგებლობს მაკადამია და მაკადამიას ტარტი. ეს ავსტრალიური დელიკატესი, გაგიკვირდებათ და საქართველოშიც მოიპოვება, მაგრამ საკმაოდ ძვირად. /თუმცა, საახალწლოდ ჩვენს ნიგოზსაც იგივე ფასი აქვს ხოლმე, თითქმის./ მაგალითად, გასულ წელს, 1 კილო მაკადამია 30-35 დოლარი ღირდა. არცაა გასაკვირი, განა ჩვენებური კაკალივით ყოველ წელს იძლევა ნაყოფს - საშუალოდ 7-10 წელი სჭირდება მოსხმას.

      ქველინარია, როგორც წესი, კულინარიული სამყაროს ავანგარდშია, ამიტომ მაკადამიას ტარტის რეცეპტს გთავაზობთ ექსკლუზიურად ჩვენს მკითხველებს.

შემადგენლობა:

• ტარტის ცომი (იხილეთ შემადგენლობა და რეცეპტი)

გულსართი:

• მაკადამია, ოდნავ მოხალული და მსხვილად დაჭრილი - 230 გრამი;
• ყავისფერი შაქარი - 100 გრ;
• ფქვილი - 1 ს/კ;
• დაფქული დარიჩინი - 1 ს/კ;
• 2 მოზრდილი კვერცხი, მსუბუქად ათქვეფილი;
• სიმინდის (ოქროსფერი) ვაჟინი - 60 მლ;
• კარაქი, გამდნარი - 60 გრ;
• ბრენდი - 2 ს/კ.

მომზადება:

      წინასწარ გააცხელეთ ღუმელი 180 გრადუსზე (ნიშნული 4).

      წაუსვით ცხიმი 25 სმ დიამეტრიან ტარტის ყალიბს, რათა ადვილად გადმოიღოთ ნამცხვარი გამოცხობის შემდეგ; ცომი საცხობ ყალიბში მოათავსეთ და გვერდებიდან ზედმეტი ცომი ჩამოაჭერით. ისევ შედგით მაცივარში გასაციებლად 30 წუთით;

      გამოიღეთ, თავზე დააფარეთ პერგამენტის ქაღალდი და მშრალი, მარცვლეული (ბრდა, ცერცვი, ოსპი, ბრინჯი და სხვა) მოაყარეთ სიმძიმისთვის.

      მოაცალეთ ქაღალდი და გადადეთ გასაციებლად.

გულსართი:

      ფქვილი, ყავისფერი შაქარი, დარიჩინი, კვერცხი, სიმინდის ვაჟინი, კარაქი და ბრენდი საშუალო ზომის ჯამში მოათავსეთ და ურიეთ გაზავებამდე. დაუმატეთ მაკადამია და ურიეთ ერთგვაროვანი მასის მიღებამდე.

      კოვზით ჩადეთ შიგთავსი მომზადებულ გამომცხვარ ტარტში და კიდევ აცხვეთ 25-30 წუთის განმავლობაში.

      სუფრაზე თბილი ან ოთახის ტემპერატურის მიიტანეთ.