შოკოლადის და თხილის მოყვარულებისთვის, ბავშვობიდან სნიკერსი უკონკურენტო იყო. მარსი კი მხოლოდ იმ ბავშვებს უყვარდათ, ვისაც თხილის კნატუნის სურვილი არ ჰქონდა.

      Qwellynaria გთავაზობთ მარტივ რეცეპტს საშინაო მარსის ან სნიკერსის მოსამზადებლად!

შემადგენლობა

• ფქვილი
• მარილი
• რძე
• კვერცხი
• შაქარი
• კაკაო
• შოკოლადი
• კარაქი
• ვანილის ექსტრაქტი

მომზადება

• მოათავსეთ კარაქი, შაქარი და ვანილის ექსტრაქტი ჯამში და მიქსერით ათქვიფეთ
• ცალკე ჯამში ფქვილს მოაყარეთ კაკაო და მარილი, კარგად აურიეთ.
• არეული მასა მოაყარეთ კარაქის მასას და მიქსერით განაგრძეთ არევა.
• დაუმატეთ 2 კვერცხის გული.
• მთლიანი მასა სქელი უნდა გამოგივიდეთ.
• გადმოიღეთ ჯამიდან, გააპრტყელეთ, მიეცით ოვალური ფორმა, გაახვიეთ ცელოფანში და შედგით მაცივარში.
• როცა კარგად გაცივდება, გამოიღეთ მაცივრიდან და გააპრტყელეთ გამოსაცხობი ქვების სიგანეზე (ოდნავ დიდი, რადგან ცომს გვერდები უნდა ჰქონდეს ამოწეული, ტარტალეტკის მსგავსად).

• ჩააფინეთ მასა ფორმაში და კარგად მოასწორეთ ნაპირები, ჩანგლის საშუალებიდ დაჩხვლიტეთ შუა ნაწილიც.
• შემდეგ დააფინეთ ზედ ფოლგა და დაყარეთ ბევრი თხილი ან ლობიო და ისე გამოაცხვეთ. (ამის წყალობით თქვენი ნამცხვრის შუა ნაწილი არ ამოიწევს. ანალოგიურად შეგიძლიათ მოიქცეთ ხოლმე ტარტალეტკების გამოცხობისას, თუ გსურთ რომ შუა ნაწილი არ იყოს ამობურცული.)
• გამოაცხვეთ 180 გრადუს ტემპერატურაზე.
• შაქრითა და კარაქით მოამზადეთ ირისი. ჩაყარეთ ქვაბში შაქარი, დაამატეთ კარაქი და ვიდრე კარგად არ გადნება და ფერს არ შეიცვლის, იქამდე ურიეთ. როცა გაცივდება, შესქელებული, ირისის მსგავსი მასა უნდა მიიღოთ.
• შავი შოკოლადი, რძე და კარაქი გაადნეთ ქვაბში და კარგად აურიეთ.
• გამომცხვარ ფორმას, ჯერ წაუსვით ირისი და შემდეგ მოასხით შოკოლადი. გასაფორმებლად მოაყარეთ შოკოლადის ღილები.

თუ მარსზე მეტად სნიკერსი გიყვართ, მაშინ ირისს, შოკოლადის მოყრამდე, დაუმატეთ თხილი.

გემრიელად მიირთვით!