დღესასწაულებს ხილის ნამცხვრები უხდება. თუკი ვაშლი ხილის სამეფოს გამგებელია, მარწყვი ყველაზე გემრიელი და სასურველი ხილია და ბავშვებისთვის განსაკუთრებით საყვარელი. ბავშვებზე ზრუნვა აუცილბელია რძის პროდუქტებით და აქ ხაჭოა უალტერნატივო. და როგორ უყვართ ჩვენს პატარა მეგობრებს ორცხობილები?! თუ ამ ყველაფერს შევაერთებთ, ჩვენ მივიღებთ უგემრიელეს ხაჭოს ნამცხვარს მარწყვის წვენით, რომლის ექსკლუზიურ რეცეპტსაც ქველინარია გთავაზობთ:

1. 1 ჭიქა შაქარი
2. 4-5 ცალი ცოცხალი, მოზრდილი მარწყვი
3. 250-300 გრამი ორცხობილა (პეჩენიები)
4. 125 გრამი კარაქი
5. 2 ს/კ კაკაო
6. 4-5 ჩ/კ ჟელატინი
7. ადუღებული წყალი
8. 2 ქილა (400 გრამი) შედედებული რძე
9. 3-4 ჩ/კ ვანილის ექსტრაქტი
10. 1 ლიმონი (მოსახეხად)
11. 800 გრამი ხაჭო
12. მარწყვი მოსართავად.

მომზადება:

მარწყვის წვენი:

• ჩაყარეთ შაქარი ქვაბში, მოასწორეთ რომ ძირი მთიანად და თანაბრად დაფაროს და აანთეთ გაზქურა საშუალო ცეცხლზე. არ მოურია იქამდე, ვიდრე კიდეებიდან შაქარი არ დაიწყებს დნობას და ფერს არ შეიცვლის. დორესაც კიდეები გაყავისფრდება და თხევადი გახდება, ხის ჯოხით ნელ-ნელა დაიწყეთ შაქრის არევა.
• დაუწიეთ ცეცხლს და განაგრძეთ მორევა, ვიდრე ერთიან თხელ მასას არ მიიღებთ.
• აიღეთ წვრილად დაჭრილი 4-5 მარწყვი და ზედ მოაყარეთ. და განაგრძეთ გადარევა.

• 2 წუთის შემდეგ გამორთეთ და დატოვეთ მარწყვი შაქრის წვენში.

ბისკვიტი:

• აიღეთ ორცხობილა და წვრილად დაფქვით, გაადნეთ კარაქი და მოასხით ზედ. მოაყარეთ 2 ს/კ კაკაო და მთელი ეს მასა კარგად გადაურიეთ.

• გადაყარეთ 20 დიამეტრის მქონე ქვაბში და მოასწორეთ.

შენიშვნა: სასურველია გამოიყენოთ პერგამენტის ქაღალდი. ამისთვის დაგჭირდებათ სპეციალური "ქვაბი", რომელსაც ძირი ეხსნება და შესაძლებელია მისი სინზე დადგმაც. როგორც ამ ფოტოზეა:

• ახლა ეს ბისკვიტი გამოცხობის ნაცვლად, მოათავსეთ მაცივარში.

ჩიზქეიქი - ხაჭოს ნამცხვარი

• ჟელატინი გახსენით ადუღებულ წყალში.
• ჯამში ჩაასხით შედედებული რძე.
• დაამატეთ ვანილის ექსტრაქტი.
• მოახეხეთ ლიმონი (გემოვნების მიხედვით, მაგრამ საშუალოდ 1 ლიმონი საკმარისია)
• მოაყარეთ ხაჭო, მთელი ეს მასა გადაურიერთ.
• მოასხით წყალში გახსნილი ჟელატინი და კიდევ ერთხელ კარგად გადაურიეთ.
• შემდეგ მთელი ეს მასა მოასხით ორცხობილის ბისკვიტს, რომელიც სინზე დადგმულ ქვაბზე გელოდებათ.

• კვლავ შეაბრუნეთ მაცივარში და გააჩერეთ 1-2 საათი განმავლობაში.
• გამოიღეთ, მოასხით მარწყვის წვენი, მორთეთ მარწყვებით და ...

გემრიელად მიირთვით!