კუნძული კარპატოსი გაგიგიათ?!
სწორედ საბერძნეთის ეს შესანიშნავი კუნძულია ამ კერძის სამშობლო... 
თუ ამ კუნძულზე მოხვდებით აუცილებლად გაგიმასპინძლდებიან მუსაკათი...
მანამდე კი შეგიძლიათ მიყვეთ QwellyNaRi_ის რეცეპტს და საკუთრ სახლში დააგემოვნოთ...

შემადგენლობა:

1. 2 კგ ბადრიჯანი
2. 1 თავი ხახვი
3. 700 გრ საქონლის ფარში
4. 4 პამიდორი
5. 2 ს.კ. საფანელი
6. მარილი, პილპილი - გემოვნებით
7. ოხრახუში
8. ზეთი - შესაწვავად

სოუსი ბეშამელი

1. 1ლ რძე
2. 140 გრ ფქვილი
3. 1 ს.კ. კარაქი
4. 2 ს.კ ზეთი
5. 2 კვერცხის გული
6. 100 გრ გახეხილი ყველი
7. მარილი 

მომზადება:

• ბადრიჯანი სიგრძეზე, მსხვილ ნაჭრებად დაჭერით, მოაყარეთ მარილი და 20-25 წუთი გააჩერეთ. შემდეგ გადაავლეთ წყალი, ოდნავ გაწურეთ და ზეთში ორივე მხრიდან შეწვით. შემწვარი ბადრიჯნები გადაიტანეთ განიერ თეფშზე და დროებით გადადეთ.
• დაიწყეთ გულსართის მომზადება: წვრილად დაჭერით ხახვი, მწვანილი. პამიდორი გაფცქვენით და დაჭერით. ზეთში მოშუშეთ ხახვი, დაამატეთ ფარში და კარგად მოურიეთ. როდესაც ფარში ფერს შეიცვლის, დაამატეთ დაჭრილი პამიდორი და მოშუშეთ, სანამ წვენი მთლიანად არ აორთქლდება. 
• შემდეგ მოაყარეთ მარილი, პილპილი, მწვანილი, კიდევ ერთხელ კარგად მოურიეთ და გადმოდგით ცეცხლიდან. სოუსის მოსამზადებლად ქვაბში მოათავსეთ კარაქი და ზეთი, დაამატეთ ფქვილი და 2-3 წუთი შუშეთ. შემდეგ დაამატეთ რძე და კარგად ურიეთ, რომ ფქვილი გაიხსნას. 
• შეგიძლიატ გამოიყენნოთ მიქსერი ან ხელის ბლენდერი. ბოლოს დაუმატეთ 2 კვერცხის გული და როდესაც სოუსი შესქელდება, გადმოდგით ცეცხლიდან.
• დაიწყეთ მუსაკას აწყობა: ღრმა საცხობი ფორმის ძირს წაუსვით ცოტაოდენი ზეთი, მოაყარეთ საფანელი, თანაბრად დააწყეთ შემწვარი ბადრიჯნის ნახევარი. 
• ბადრიჯანზე მოაყარეთ მოშუშული ფარში, გადაასწორეთ და ზემოდან დარჩენილი ბადრიჯნის ნაჭრებით დააფინეთ. მოასხით სოუსი, მოაყარეთ გახეხილი ყველი და შედგით წინასწარ 200 გრადუსზე გახურებულ ღუმელში 35-40 წუთით. მზა მუსაკაშეაგრილეთ
• სუფრაზე მიტანისას დაჭერით თანაბარი ზომის ნაჭრებად.

ამ კერძის მოსამზადებლად აუცილებლად ღრმა საცხობი ფორმა გამოიყენეთ. ფარშს ან სოუსს შეგიძლიათ დაუმატოთ ცოტაოდენი გახეხილი მუსკატის კაკალი, რაც მუსაკას პიკანტურ არომატს მიანიჭებს.