მსოფლიო კულინარიაში ღვეზელების ფართო არჩევანია... მისი მომზადება და შემადგენლობა თქვენს ფანტაზიაზეა დამოკიდებული... Qwellynaria_სთან ერთად კი თქვენ შეგიძლიათ მოამზადოთ ღვეზელი ორაგულით და სოკოთი...

შემადგენლობა:

• 180 გ ორაგულის ფილე
• 20 გ კარაქი
• 600 გ ერბოზელილი ცომი
• 100 გ მოხარშული კარტოფილი
• 100 გ მოშუშული ხახვი
• 120 გ შემწვარი სოკო
• 1 კვერცხი
• მწვანილი მოსართვად

ცომისთვის:

• 200 მლ ლუდი
• 200 გ მარგარინი
• 0,5 ჩ.კ. მარილი
• 1 ჩ.კ. შაქარი
• ფქვილი – რამდენსაც ცომი შეიზელს

მომზადება: 

ცომი:

1. მარგარინი 20 წუთით შედეთ საყინულეში.
2. 300 გ ფქვილი ჩაყარეთ ჯამში, ამოავლეთ მასში მარგარინი და დანით ჩაათალეთ (ისე, როგორც ქადის კეთების დროს).
3. როდესაც მარგარინს მთლიანად ჩააჭრით, ხელით კიდევ დაფშვენით და გააფხვიერეთ. 
4. მარგარინიანი ფქვილი ჩაღრმავეთ, ჩაასხით ლუდი და კარგად მოზილეთ. მოზელვის დროს ნელ-ნელა კიდევ ჩაამატეთ ფქვილი, სანამ ცომი კარგად არ შეიკვრება.
5. ცომი მოათავსეთ მაცივარში 20 წუთით. ამის შემდეგ ლუდით დამზადებული ცომი მზადაა გამოსაყენებლად.

გულსართი:

1. ორაგულის ფილე დაჭერით პატარა ნაჭრებად და შეწვით კარაქში.
2. ცომი გაყავით შუაზე და გააბრტყელეთ.
3. ერთზე ფენა-ფენა  დაალაგეთ წვრილად დაჭრილი კარტოფილი, ხახვი, სოკო და თევზის ნაჭრები.
4. დაააფარეთ ცომის მეორე ნაწილი, ნაპირები შეუერთეთ, მიეცით თევზის ფორმა და დადგით თბილ ადგილას 20 წთ.
5. შემდეგ წაუსვით ათქვეფილი კვერცხი და გამოაცხვეთ.
6. სუფრასთან მიტანის წინ ღვეზელი გააფორმეთ მწვანილით. ცალკე შეგიძლიათ მიიტანოთ კარაქი, წითელი ხიზილალა ან მდოგვის სოსუსი.