მსოფლიო საბალეტო სამყაროში პავლოვას ხსენებაზე ყველას მომაკვდავი გედის უზადო შესრულება ახსენედება, აი, კულინარიულ სამყაროში კი უგემრიელესი ბეზე-დესერტი პავლოვა, რომლის მომზადების განსაკუთრებულ და უმარტივეს რეცეპტსაც გთავაზობთ Qwellynaria, მითუმეტეს რომ საახალწლო სუფრას კიდევ უფრო გაალამაზებთ!

შემადგენლობა

1. 6 კვერცხის ცილა
2. 340 გრამი უმაღლესი ხარისხის შაქარი
3. 1 ჩ/კ სახამებელი
4. 1 ჩ/კ თეთრი ძმარი
5. 1 ჩ/კ ვანილის ექსტრაქტი
6. ფრეშ-კრემი (შეგვიძლია ბეზეც გამოვიყენოთ)
7. ხილი - რომელიც და რაოდენიც გენებოთ

მომზადება

• 6 კვერცხის ცილა ჩაასხით ჯამში და მიქსერის საშუალებით დაიწყეთ მისი ათქვეფა.
• ცოტა ხანში შეურიეთ გამზადებული შაქრის ნახევარი და გააგრძელეთ ათქვეფა.
• კიდევ რამდენიმე წუთში შუერით დარჩენილი შაქარი, სახამებელი ან სიმინდის ფქვილი, ძმარი და ვანილის ექსტრაქტი.
• ბეზე უნდა ითქვიფებოდეს იქამდე, ვიდრე ერთიან მკვრივ მასას არ მიიღებთ. ისეთი უნდა იყოს ჯამის გადმოტრიალებისას არ "გადმოიღვაროს"!
• მომდევნო ეტაპზე დაგჭირდებათ ორი კოვზის მეთოდი. ეს ნიშნავს, ბეზეს გადმოტანას საცხობ სინზე დაფენილ კალკაზე (პერგამენტზე) ორი კოვზის საშუალებით.
• გადაიტანეთ ბეზე სათითაოდ და მიეცით მას წრიული ფორმა.

• ცოტაოდენი ბეზე მოიტოვეთ ჯამში, გამოცხობის შემდეგ თავზი წასასმელად დაგჭირდებათ.
• სინზე გადმოტანილი ბეზე გამოაცხვეთ აირღუმელში 120 გრადუსზე.
• ბეზე უნდა ცხვებოდეს 1½ - 2 საათის განმავლობაში.
• როდესაც შეატყობთ რომ ბეზე კარგად გამოცხვა, აცადეთ გაგრილება. ამისთვის კი საჭიროა გამორთოთ აირღუბელი და მისი კარი ოდნავ შეაღოთ.
• როდესაც ბეზე სრულიად გაგრილდება, გამოიღეთ აირღუმელიდან და თავზე წაუსვით დარცჩენილი ბეზე (შესაძლებელია სხვა კრემის გამოყენებაც). ბეზე/კრემი საჭიროა ხილის დასამაგრებლა, რომლითაც მოვრთავ უგემრიელეს პავლოვას!

• შემდეგ დაალაგეთ ხილი თქვენი გემოვნების მიხედვით. ჩვენი რჩევა იქნება, გამოიყენოთ ალუბალი, ბროწეული, მანგო და სხვა არომატული და "მომჟაო", წვნიანი ხილი, რადგან როგორც თავადაც დააკვირდით, ბეზე ისედაც ძალიან ბევრ შაქარს შეიცავს.

გემრილად მიირთვით და ჩვენც დაგვპატიჟეთ!