ზამთრის დადგომასთან ერთად, თოვლსა თუ უთოვლობაში, სადღესასწაულო განწყობა ადვილად იგრძნობა. ყველა ფუსფუსებს, ყველა ემზადება ახალი წლის შესახვედრად.

      ქართული საახალწლო სამზარეულო ნამდვილად გამორჩეულია და არც რამე დასაძრახი აქვს, მაგრამ გასალამაზებლად და გასაფორმებლად ახალი იდეები ყოველთვის საჭიროა. ამიტომ Qwellynaria გთავაზობთ უგემრიელესი და უტკბილესი ნამცხვრის - შოკოლადის ნაძვის ხის რეცეპტს.

შემადგენლობა

• 450 გრამი ხორბლის უმაღლესი ხარისხის ფქვილი
• 1/3 ჭიქა შაქარი
• 1 მწიკვი მარილი
• 2 ჩ/კ საფუარი
• 1 ჭიქა შემთბარი რძე
• 2 კვერცხის გული
• 30 გრამი კარაქი

მომზადება

• ფქვილი, შაქარი, საფუარი და მარილი მოათავსეთ ჯამში და კარგად აურიეთ;
• შემდეგ მოასხით შემთბარი რძე, დაამატეთ კვერცხის გული და კარაქი და კარგად აურიეთ.
• მიღებული მასა, გადმოიტანეთ ჯამიდან მაგიდაზე და 10 წუთის განმავლბაში კარგად დაზილეთ, ვიდრე ერთიან, ბლანტ, ელასტიურ მასას არ მიიღებთ. ცომი თითებზე რომ არ მიგეკროთ, გამოიყენეთ რძე - თითები დაასველეთ რძეში და ისე დაზილეთ.
• შემდეგ ჯამში ჩაასხით ზეთი, ამოავლეთ შიგნით ცომი და დატოვეთ ჯამში ვიდრე კარგად არ აფუვდება. ჯამს გადააფარეთ ცელოფანი.

• აფუების შემდეგ, ცომი გაყავით ოთხ ტოლ ნაწილად.
• პირველი ნაწილი გააპრტყელეთ ტოლფერდა სამკუთხედის ფორმაზე, გაითვალისწინეთ ნაძვის ხე უნდა დახატოთ ზედ, დაახლოებით 40 სმ. სიგრის. გაბრტყელებული ფენა დააფინეთ კალკაზე, რომელზეც შემდეგ გამოაცხობთ კიდეც. აიღეთ ნუტელა, ოდნავ გაადნეთ რომ თხევადი გახდეს, ან რძე დაამატეთ და ნაძვის ხის ფორმით წაუსვით პირველ ფენას.

• შემდეგ ცომის მეორე ნაწილიც ანალოგიურად გააპრტყელედ, გადააფარეთ ნუტელაწასმულ ფენას და კვლავ გადაუსვით ნუტელა.
• მესამე ფენაზეც ანალოგიურად იქცევით.
• მეოთხე ფენას უბრალოდ აბრტყელებთ და აფრებთ ზემოდან.
• ამის შემდეგ მჭრელი დანით, ნაძვის ხის კონტურები უნდა გამოკვეთოთ.
• მომდევნო ეტაპზე იწყება ტოტების დაჭრა.
• ნაძვის ხის "ძირიდან" წვერამდე, ორივე მხარეს, დანის უკანა პირით გაავლეთ ორი ხაზი (ზომების დასაცავად დაგჭირდებათ).

• ამ ხაზებიდან, ნაძვის ხის ფერდებისკენ მჭრელი დანით, დაახლებით 1 - 1,5 სმ. სისქეზე ჩაჭერით ფენები.

• შემდეგ, ხელის მარტივი მოძრაობით, ფენები გადაატრიალეთ - გადაგრიხეთ. გაითვალისწინეთ, რომ სილამაზისთვის სიმეტრია მნიშვნელოვანია, ამიტომ ეცადეთ დაგრიხოთ ერთნაირი მიმართულებით.

• ამის შემდეგ, გამოსაცხობი ნაძვის ხე ცოტა ხნით გააჩერეთ რომ კიდევ ამოფუვდეს სინზე. შემდეგ გადაუსვით რძე (ფუნჯით) და შედგით აირღუმელში 15 წუთის განმავლობაში 360 გრადუსზე (ვიდრე კარგად არ დაიბრაწება, დაოქროსფრდება)
• გამოიღეთ ნამცხვარი, გადაუსვით ზედ შაქრიანი წყალი, მოაყარეთ ქოქოსი თოვლის ეფექტისთვის და საახალწლო სუფრა გაუხალისეთ თქვენი ოჯახის წევრებს.

გემრიელად მიირთვით!