საქართველოს თითქმის ყველა კუთხე იჩემებს ამ ცნობილ და უსაყვარლეს კერძს, რომლის გარეშე ქართული ტრადიციული საახალწლო სუფრა, წარმოუდგენელია. და მიუხედავად იმისა, რომ საცივის დამზადების რეცეპტის ავტორი ჩვენთვის უცნობია, მის გენიალურობაზე უკვე საუკუნეებია არავინ დავობს:

შემადგენლობა:

1. 1 ინდაური
   (უმჯობესია მომზადდეს ნახევარ-ნახევარი დედალ-მამალი ინდაურის საცივი, რადგან დედლის ხორცი ცხიმიანია და გემრიელი წვენი გამოდის, მაგრამ წვენში ჩასადები ხორცი ცოტა რჩება (ცხიმი დნება და ნახარშში გადადის); მამალს კი ცხიმი ნაკლები აქვს და ხორცი – მეტი, მაგრამ მამლის ნახარში გემრიელი არ არის.)
2. ნიგოზი - 0,5კგ
3. ნიორი - 5 დიდი კბილი
4. ხახვი - 5 დიდი თავი
5. ქინძი - 2 კონა
6. სუნელები:
   1. ყვითელი ყვავილი დაფქული- 6 ჩ/კ
   2. ქინძი- 3 ჩ/კ
   3. უცხო სუნელი - 3 ჩ/კ
   4. დაფქული მიხაკი - ნახევარი ჩ/კ
   5. წითელი მწარე წიწაკა დაფქული - გემოვნებით
7. ღვინის ძმარი
8. მარილი

მომზადება:

1. ინდაური კარგად გაასუფთავეთ, მოაჭერით კისერი და კანჭები, ჩადეთ ქვაბში, დაასხით წყალი, რომ დაფაროს მთლიანად. ხარშეთ დაახლოებით 2 საათი (არ ჩაიხარშოს!) დროდადრო მოხადეთ ქაფი. მოხარშულ ინდაურს წაუსვით მარილი ყველა მხარეს და ოდნავ შებრაწეთ ღუმელში. შემდეგ გაგრილებული ინდაური დაჭერით ზომიერ ნაჭრებად.
2. დაფქვით ნიგოზი და მოათავსეთ ჯამში სუნელებთან და მარილთან ერთად (ყვითელი ყვავილი, უცხო სუნელი, ხმელი ქინძი, წიწაკა, მიხაკი და 3 ჩაის კოვზი მარილი.)
   • ჯამი ოდნავ შეათბეთ დაბალ ცეცხლზე და გადმოდგით. მასა კარგად მოზილეთ ხელით, დაყავით გუნდებად, ხელით გამოწურეთ ზეთი გუნდებიდან და ცალკე შეაგროვეთ. ცოცხალი ქინძი და ნიორი გაატარეთ, დაუმატეთ ნიგვზიან მასას და კარგაუდ აურიეთ კოვზით.
3. ხახვი დაჭერით წვრილად და მოშუშეთ ბულიონზე მოხდილ ცხიმში.
   • კარგად დარბილდეს, მაგრამ არ დაიბრაწოს. შემდეგ გადმოიღეთ ქვაბში და დაასხით 17 ჭიქა გაგრილებული ბულიონი (თუ ამდენი არ არის, შეავსეთ ანადუღარი წყლით)
4. ნიგვზიან მასას დაასხით ცოტა ხახვიანი ბულიონი და მოზილეთ ერთგვაროვანი, თხელი ფაფის სისქის მასა.
   • ეს მასა ჩაასხით დანარჩენ ბულიონში და მოურიეთ. დადგით საშუალო ცეცხლზე და ურიეთ ადუღებამდე. შემდეგ ჩააწყვეთ ხორცი და დაბალ ცეცხლზე ადუღეთ კიდევ 10-15 წუთი.შემდეგ გადმოდგით ცოტა შეაგრილეთ და დაუმატეთ ერთი საადილის კოვზი ძმარი და გამოწურული ზეთი.

ქველინარია: გემრიელად მიირთვით!