ყველა შეფმზარეული აუცილებლად ეუფლება პიცის მომზადების ხელოვნებას. ერთი შეხედვით დიდი ვერაფერი კერძია, მაგრამ საკმარისია ცომი ცოტა რბილი გამოგივიდეს, ან ღუმელში 1 წუთით მეტ ხანს დააყოვნოთ, რომ პიცა შეუმდგარი იქნება. არსებობს შეფების პიცა, რომლის რეცეპტსაც გთავაზობთ ქვემოთ.

შემადგენლობა:

• პიცის სოუსი - გემოვნებით
• სულგუნი - 100 გრ. (სასურველია აბაშის)
• ლორი - 150 გრ. (სასურველია ამბროლაურის)
• სიმინდის მარცვლები - 100 გრ.
• ქინძი – გასაფორმებლად

ცომისთვის:

• ფქვილი - 500 გრ.
• მარგარინი - 150 გრ.
• მაწონი - 250 მლ.
• სოდა - 1/2 ჩ.კ.
• მარილი - 1 მწიკვი

პიცის სოუსისთვის:

• პომიდვრის სოუსი - 400 გრ.
• ტომატი - 170 გრ.
• დაფქული ორეგანო - 1 ს.კ.
• დაქუცმაცებული ნიორი - 1/2 ჩ.კ.
• დაფქული წიწაკა - 1 ჩ.კ.

მომზადება:

მოზილეთ ცომი: ხელით შეაზილეთ ერთმანეთს დარბილებული მარგარინი და ფქვილი. დაუმატეთ მაწონში გახსნილი სოდა და კარგად მოზილეთ (ცომი უნდა გამოვიდეს მაგარი).

პიცის სოუსი: მოათავსეთ სოუსის ინგრედიენტები თასში და კარგად აურიოთ.

გააბრტყელეთ ცომი წრის ფორმაზე, წაუსვით პიცის სოუსი და დააწყეთ ინგრედიენტები შემდეგი მიმდევრობით: სულგუნი, ლორი, სიმინდის მარცვლები. მოათავსეთ ღუმელში გამოსაცხობად.

მზა პიცა გააფორმეთ წვრილად დაჭრილი ქინძით.