მსოფლიო კულინარიაში სოკოს კერძების არაერთი რეცეპტი არსებობს...
ეს არომატული და გემრიელი წვნიანი კი უნგრული სამზარეულოს კუთვნილებაა...

შემადგენლობა:

1. 4 სუფრის კოვზი(55გ) უმარილო კარაქი
2. 2 ჭიქა დაჭრილი ხახვი
3. 450 გრამი დაჭრილი სოკო
4. 2 ჩაის კოვზი ხმელი კამა
5. 1 სუფრის კოვზი პაპრიკა/დაფქული ბულგარული წიწაკა
6. 1 სუფრის კოვზი სოიოს სოუსი
7. 2 ჭიქა ქათმის ბულიონი
8. 1 ჭიქა რძე
9. 3 სუფრის კოვზი ფქვილი
10. 1 ჩაის კოვზი მარილი
11. დაფქული შავი წიწაკა გემოვნებით
12. 2 ჩაის კოვზი ლიმონის წვენი
13. 1/4 ჭიქა დაჭრილი ოხრახუში
14. 1/2 ჭიქა არაჟანი 

მომზადება:

1. დიდი ზომის ქვაბი დადგით გაზზე და გაადნეთ კარაქი. მოშუშეთ ხახვი კარაქში 5 წუთით. დაამატეთ დაჭრილი სოკო და მოშუშეთ კიდევ 5 წუთი. შეურიეთ კამა, წიწაკა, სოიოს სოუსი და ქათმის ბულიონი.
დაუწიეთ ცეცხლს, დააფარეთ ქვაბს თავსახური და ადუღეთ 15 წუთი.

2. მცირე ზომის თასში ჩაასხით რძე და შეურიეთ ფქვილი. მიღებული მასა ჩაასხით ქვაბში და კარგად მოურიეთ. ისევ დააფარეთ ქვაბს თავსახური და კიდევ 15 წუთით ადუღეთ, თან ხშირ-ხშირად ურიეთ.

3. ჩაუმატეთ მარილი, დაფქული შავი წიწაკა, ლიმონის წვენი, ოხრახუში და არაჟანი. მოურიეთ და გააცხელეთ 3-5 წუთის განმავლობაში(ნუ აადუღებთ). გადმოდგით ცეცხლიდან და გემრიელად მიირთვით!