საქართველოში ხშირად ვაწყდებით პრობლემას ძეხვეულთან დაკავშირებით. განსაკუთრებული უნდობლობა კი ყოველთვის სოსისებს (მოწოწნიკებს) უკავშირდება. ზოგი ამბობს მუყაოსგან ამზადებენო, ზოგი ნახერხისგანო, ზოგნი იტყვიან დაბლენდერებული, დაბეგვილი და განადგურებული ხორცისგანო. მართალია ქართველებს სოსისის ჩვენებური, იმერულ-მეგრული ვერსია გვაქვს - კუპატი, მაგრამ კუპატის მომზადება უფრო რთულია ვიდრე სოსისისა, რომელსაც ქველინარია გთავაზობთ!

შემადგენლობა:

• 2 კგ ღორის ხორცი (მათ შორის მსუქანი, ქონიანი ნაწილიც)
• 2 ს/კ მარილი
• ½ ჩ/კ შავი პილპილი
• ½ ჩ/კ ჯავზი
• 3 ს/კ აბზინდა
• 1 ს/კ ქონდარი
• შეგიძლიათ დაამატოთ სხვა იგრედიენები, სურვილისამებრ.

შენიშვნა: სპეციალურ მაღაზიებში მოიკითხეთ სოსისის შესახვევი პარკი.

მომზადების წესი:

• დაჭერით ხორცი პატარა ნაჭრებად, რომ შეძლოთ მისი ხორცსაკეპ მანქანაში გატარება.
• გატარებული ხორცი შეკაზმეთ ზემოთ ჩამოთვლილი იგრედიენტებით, კარგად აურიეთ (ფარში უნდა გააკეთოთ). შეგიძლიათ სურვილისა და გემოვნებისამებრ დაუმატოთ თქვენთვის საყვარელი იგრედიენტები, აჯიკა ან სხვა.
• ამის შემდეგ, მიღებულ ფარშს კვლავ ვაბრუნებთ ხორცსაკეპ მანქანაში, ოღონდ უფრო წვრილად უნდა გაატაროთ, ძალიან წვრილად რომ მიიღოთ ერთგვაროვანი მასა (თითქოს დაბლენდერებულიაო).
• ამის შემდეგ, დეგუსტაციისთვის შეგიძლიათ ცოტაოდენი ფარში შეწვათ და გასინჯოთ, სანელებლები კარგად აქვს თუ არა, რაიმეს დამატება ხომ არ სჭირდება. თუ თქვენს გემოვნებას სრულიად აკმაყოფილებს, მაშინ გადავიდეთ მომდევნო საფეხურზე.
• ხორცსაკეპი მანქანიდან ამოიღეთ დანისპირი და დანარჩენი დატოვოთ.
• წინიდან გაუკეთეთ სპეციალური "ძაბრი" და ძაბრზე წამოაცვით სოსისის პარკი.

  

• ფარში ჩადეთ ხორცსაკეპ მანქანაში და დაატრიალეთ. როდესაც პარკი შეივსება, ზომების მიხედვით გადაგრიხეთ.

  

• შეინახეთ მაცივარში, მეორე დილამდე.

დაჭერით, შეწვით-მოხარშეთ, გემრიელად და მშვიდად მიირთვით - თქვენ ხომ ნატურალურად დამზადებულ სოსისს მიირთმევთ!