ამბობენ ტკბილეული განწყობას აუმჯობესებსო. არ ვიცი რამდენად მართალია, იმიტომ რომ ტორტის ნახვის მერე განწყობა გამიფუჭდა ისე ძალიან მომინდა, მაგრამ გადაწყვეტილი ამბავია: Qwellynaria გთავაზობთ უგემრიელეს, ძალიან ტკბილ, კენკრის ტორტს!

      ჰო მართლა, უკეთესი განწყობისთვის...

შემადგენლობა:

ბისკვიტი:

1. 6 კვერცხი
2. 6 ს.კ. შაქარი
3. 6 ს.კ. ფქვილი
4. 1 ჩ.კ. გამაფხვიერებელი
5. 1 ჩ.კ. ვანილის შაქარი
6. წითელი ფერის ტორტის საღებავი

კრემი:

1. 250 გ კარაქი
2. 0.5 კგ სხვადასხვა კენკრა
3. 4 ს.კ. შაქარი
4. მწიკვი ლიომონმჟავა

ბეზე:

1. 0.5 ჭიქა კვერცხის ცილა
2. 3 ჭიქა შაქარი
3. რამდენიმე წვეთი წითელი საღებავი
4. მინანქარი – 1 ჭიქა მოცვი
5. 1 ს.კ. შაქარი
6. 1 ჩ.კ. სახამებელი

მომზადება:

• ათქვიფეთ კვერცხის ცილა, დაამატეთ შაქარი, ვანილის შაქარი და კვერცხის გულები. (თქვიფეთ ერთი მიმართულებით)
• გამაფხვიერებელი აურიეთ ფქვილში და შეათქვიფეთ კვერცხის მასას.
• ფორმაში ჩააფინეთ ცხიმწასმული ქაღალდი, დაასხით ცომი და გამოაცხეთ 180 გრადუსზე 40 წუთი.
• იმავე ფორმაში ჩააფინეთ ცხიმწასმული ქაღალდი, ჩაასხით შაქართან და საღებავთან ერთად გათქვეფილი ცილა და 110 გრადუსზე, 30-60 წუთი გამოაცხვეთ
• კრემისათვის გათვიფეთ კარაქი, შაქარი, დაამატეთ კენკრის ნახევარი.
• მინანქრის ინგრედიენტები წამოადუღეთ და გააგრილეთ.
• ბოლოს ააწყვეთ ტორტი – ბისკვიტი, კენკრის კრემი, კენკრა, ბეზე და ზემოდან მოასხით მინანქარი.