მართალია ფოტოზე ისევე მადისაღმძვრელად გამოიყურება, როგორც ქალაქური ანდა მთიულური ვარიანტი, მაგრამ როგორც დამგემოვნებლები იტყვიან, ხინკალი უნდა იყოს ხორცისო! არ გეგონოთ, ბოლო რეცეპტების კვალობაზე, ვეგეტარიანელობას ვქადაგებდე, მაგრამ დღეს ხინკლის ერთ-ერთი პოპულარული ვერსია უნდა შემოგთავაზოთ - ჭინჭრის შეჭამანდების ქება კი ძველთაგან ისედაც ყველას კარგად გვსმენია.

შემადგენლობა

ცომისთვის:

• პურის ფქვილი - 1 კგ.
• მარილი - ნახევარი ჩ.კ.
• კვერცხი - 1 ცალი

შიგთავსი:

• ჭინჭარი - 500 გრ.
• ხახვი - 2 თავი
• ქინძი - 1 კონა
• კამა - 2 ძირი
• გატარებული ნიგოზი - 1 ჩ.ჭ.
• ნიორი - 2 კბილი
• მარილი და პილპილი - გემოვნებით

მომზადების წესი:

      მოამზადეთ ჭინჭრის გულსართი - კარგად გარეცხილი, გასუფთავებული და გადარჩეული ჭინჭარი მოხარშეთ და შეკაზმეთ შიგთავსის ყველა იგრენდიენტით.

      ხინკლის მაგარი ცომი - თასში ჩაყარეთ ფქვილი, დაამატეთ წყალი (ნელ-თბილი), კვერცხი, მარილი, მოზილეთ მაგარი ცომი და გაყავით 2-3 ნაწილად. ერთი გუნდა გააბრტყელეთ 0.5 სმ სისქის წრედ და ამოჭერით მრგვალი ფორმები ხინკლის ცომის ამოსაჭრელით.

      ამოჭრილი ცომი გააბრტყელოთ, შუაში ჩადეთ 1 სუფრის კოვზი ჭინჭრის გულსართი და შემოვუკეცეთ ნაპირები.

      ამის შემდეგ, მოხარშეთ ხინკალი სტანდარტულად - აადუღეთ წყალი, დაუმატეთ 1 ს.კ. მარილი, სათითაოდ ჩაყარეთ ხინკალი და ადუღეთ 5-6 წუთი. ხარშვის დროს ქვაბი შეანჯღრიეთ, რათა არ მიიკრას ხინკალი. 5-10 წუთი ხარშვის შემდეგ ხინკალი ამოიღეთ ლანგარზე. მიირთვით ცხელი.