ისედაც ხორცის მოყვარულ ქართველებს ეს კერძიც განსაკუთრებით უყვართ.

      თანაც ისე ძალიან რომ ერთი ქართული სოფლისთვისაც კი დაურქმევიათ სახელად ყაურმა!

შემადგენლობა:

• ხბოს ან ღორის გულღვიძლი - 600-800 გრ.
• ხახვი - 330 გრ.
• ნიორი - 5 კბილი.
• ცოცხალი ქინძი - 30 გრ.
• რეჰანი - 20 გრ.
• ხმელი ქონდარი - 2 ჩ.კ.
• კარაქი  - 80 გრ.
• დაფნის ფოთოლი - 1 დიდი ან 2 პატარა ფოთოლი
• მწვანე წიწაკა - 1 ცალი.
• შავი პილპილი, მარილი - გემოვნებით.
• თეთრი ღვინო - 100 მლ.ლ.

მომზადება:

• გულ-ღვიძლი გარეცხეთ და დაჭერით საშუალო ზომის ნაჭრებად.
• ხახვი დაჭერით წვრილად. მწვანილი, მწვანე წიწაკა და ნიორი დანაყეთ ან დაჭერით წვრილად.
• პირველ რიგში, მოშუშეთ ხახვი კარაქში და დაასხით ღვინო, 5 წუთის შემდეგ დაამატეთ დაჭრილი გულ-ღვიძლი და მოამზადეთ კიდევ 5 წუთის განმავლობაში.
• შემდეგ დაამატეთ გადადუღებული წყალი ან ბულიონი დაახლოებით 1 ჩაის ჭიქა.
• ყაურმა არ უნდა იყოს ძალიან წვნიანი.
• ბოლოს დაამატეთ მწვანილი, ხმელი ქონდარი, მწვანე წიწაკა, ნიორი, ხელით დაფშვნილი დაფნა, მარილი და შავი პილპილი.
• სეზონზე შეგიძლიათ გამოიყენოთ 20 გრამი ცოცხალი ქონდარი.

გემრიელად მიირთვით!