მუნიციპალიტეტის ცენტრია ქ. საგარეჯო, რომელიც ქ. თბილისიდან აღმოსავლეთით 45 კმ-ითაა დაშორებული. ქალაქი ზღვის დონიდან 772 მეტრის სიმაღლეზე მდებარეობს.

საგარეჯოს მუნიციპალიტეტი მდებარეობს საქართველოს აღმოსავლეთ ნაწილში.

საგარეჯოს მუნიციპალიტეტს აღმოსავლეთიდან გურჯაანის, დასავლეთიდან გარდაბნის, ჩრდილოეთიდან კი თიანეთის და თელავის მუნიციპალიტეტები ესაზღვრება. საგარეჯოს მუნიციპალიტეტის სამხრეთის საზღვარი აზერბაიჯანის რესპუბლიკას ემიჯნება.

მუნიციპალიტეტის ტერიტორია მოიცავს 1553.69 კვ.კმ.  რელიეფი ხასითდება მთაგორიანი ზეგანით, რომელსაც კვეთს მდინარე იორი. მუნიციპალიტეტის ტერიტორიის ჩრდილო ნაწილი განლაგებულია ცივ–გომბორის მთისწინეთზე და ძირითადად ტყე–ბუჩქნარით არის დაფარული, მისი სამხრეთი და სამხრეთ–აღმოსავლეთ ნაწილის დაბლობი უტყეოა, ხოლო ჩრდილო ნაწილი ტყით არის შემორტყმული. აქ ჰავა ზომიერი კონტინენტურია, ნალექების რაოდენობა მერყეობს 500-დან-700 მილიმეტრამდე. უმაღლესი მწვერვალია მთა “ცივი” (ზღვის დონიდან 1991 მეტრი).

მუნიციპალიტეტის ტერიტორიული ორგანოებია:

 ქალაქი საგარეჯო,სოფლები: კოჭბაანი, გომბორი, უჯარმა, ხაშმი, პატარძეული, წყაროსთავი, ნინოწმინდა, გიორგიწმინდა, თოხლიაური, მანავი, ჩაილური, პატარა ჩაილური, კაკაბეთი, ვერხვიანი, ყანდაურა, ბადიაური, ბოგდანოვკა, შიბლიანი, დუზაგრამა, იორმუღანლო, ლამბალო, თულარი, კრასნაგორკა, უდაბნო.

მუნიციპალიტეტის მოსახლეობის რიცხოვნობა (2009 წლის მონაცემებით) – 64046 კაცი.
მათ შორის: ქალაქის – 12856, სოფლის – 51190;
მოსახლეობის სიმჭიდროვე: 38.87 კაცი/კვ.კმ.
მოსახლეობის ეროვნული შემადგენლობა:
ქართველები –40127 კაცი, აზერბაიჯანელი –23050 კაცი, აფხაზი –10 კაცი, ბერძენი –27 კაცი, ოსი –125 კაცი, უკრაინელი –21 კაცი, სომეხი –231 კაცი, ქისტი –4 კაცი, რუსი –377 კაცი, იეზიდი –33 კაცი

მოსახლეობის რიცხოვნობა მუნიციპალიტეტის მსხვილ დასახლებებში:
ქ. საგარეჯო –12856 კაცი
სოფ. პატარძეული –3340 კაცი, სოფ. გიორგიწმინდა –2608 კაცი, თემი მანავი –3231 კაცი, თემი კაკაბეთი –4005 კაცი, თემი ნინოწმინდა –3150 კაცი, თემი ყანდაურა –3058 კაცი, თემი თულარი –4997 კაცი, თემი იორმუღანლო –5994 კაცი, თემი დუზაგრამა –3050 კაცი

მუნიციპალიტეტის ტერიტორია სრულად არის მოქცეული მობილური კავშირგაბმულობის კომპანიების „მაგთიკომის“, „ჯეოსელის“, „ბილაინის“ დაფარვის ზონაში. ქ.საგარეჯოში ასევე ფუნქციონირებს კავშირგაბმულობის კომპანია „სილქნეტი“. ინტერნეტ კავშირს უზრუნველყოფენ შემდეგი ინტერნეტ პროვაიდერები: „სილქნეთი“ (ADSL და DIAL-UP), “მაგთიკომი“ და „ჯეოსელი“.
მთლიანად გაზიფიცირებულია ქ.საგარეჯო, ასევე სოფლები: პატარძეული, გიორგიწმინდა, ნინოწმინდა, წყაროსთავი, იორმუღანლო, რომლებსაც ბუნებრივ აირს აწვდის კომპანია „სოკარი“.
ელექტროენეერგიის მიწოდებას უზრუნველყოფს „კახეთის ენერგო დისტრიბიუცია“.

მუნიციპალიტეტის ტერიტორიაზე ფუნქციონირებს 26 საჯარო სკოლა, რომელთაგან 25–ში სწავლება ხორციელდება დაწყებითი–საბაზო–საშუალო (I–IX–XII კლასი) საფეხურზე, ხოლო ერთში – დაწყებით–საბაზო (I-IX კლასი) საფეხურზე. აღნიშნული სკოლებიდან 4 მდებარეობს ქ.საგარეჯოს ტერიტორიაზე.

მუნიციპალიტეტის ტერიტორიაზე ფუნქციონირებს 3 არასახელმწიფო (კერძო) საგანმანათლებლო დაწესებულება, რომელთაგან შ.პ.ს.“თამარი გარეჯელი“ და ს.პ.ს“პატარძეულის ქართულ–ფრანგული სკოლა–ლიცეუმი ახორციელებს სწავლებას ზოგადსაგანმანათლებლო სკოლის დაწყებითი–საბაზო–საშუალო საფეხურზე, შ.პ.ს.“ილია“, ილია ჭავჭავაძის სახელობის ქ.საგარეჯოს უმაღლესი საგანმანათლებლო დაწესებულება – ზოგადსაგანმანათლებლო სკოლის საშუალო საფეხურზე და პროფესიულ საგანმანათლებლო პროგრამებზე.

მუნიციპალიტეტის ტერიტორიაზე ასევე ფუნქციონირებს 26 სკოლამდელი (საბავშვო ბაღი და ბაგა–ბაღი) სასწავლო–სააღმზრდელო დაწესებულება, ორი სკოლისგარეშე დაწესებულება: ქ.საგარეჯოს მოსწავლე–ახალგაზრდობის სახლი და სოფელ დუზაგრამის ქართული ენის შემსწავლელი ცენტრი.
ასევე ქ.საგარეჯოში ფუნქციონირებს ა.ი.პ „ჯემალ ბურჯანაძის სახელობის სამუსიკო სკოლა“.

ქ. საგარეჯოში არსებობს გასართობი ახალგაზრდული კლუბი.
საგარეჯოს მუნიციპალიტეტში ფუნქციონირებს სამი სასპორტო სკოლა, სადაც მოზარდები ვარჯიშობენ სპორტის 9 სახეობაში: ქართული ჭიდაობა, სამბო, ძიუდო, თავისუფალი ჭიდაობა, ფეხბურთი, რაგბი, ჭადრაკი, მძლეოსნობა, ცურვა. ამჟამად საგარეჯოს მუნიციპალიტეტში არის 10 საჭიდაო დარბაზი, 10 მინი და ერთი სტანდარტული ტიპის სპორტული მოედანი. მოწყობილია სამი რეკრეაციული ზონა, არის აუზი და ჩოგბურთის კორტები.