სიღნაღი – ზღაპრების ქალაქი

"მე ახლა ღრუბლებს ზემოთ ვდგავარ და ჩემს ქვემოთ ვეტრფენები დაფრინავენ". ასე მისწერა თავის მეგობარს უცხოელმა ტურისტმა ევროპაში. ხოლო აქ მოსულმა ერთ–ერთმა სტუმარმა კი სამშობლოში ამგვარი შინაარსის დეპეშა გააგზავნა:"გშურდეთ, მე მოვხვდი ზღაპრების ქალაქში." "ზღაპრების ქალაქი" თუ ჰოლივუდის დადგმული დეკორაციები, იკითხეს ჩემმა ახლობლებმა, რომელნიც სიღნაღში პირველად მეწვივნენ."თუ არ გინახავს სიღნაღი, ძველი ქალაქი მთაზე, ნუ იტყვი იცნობ კახეთის დიდებულ სილამაზეს". – ეს სტრიქონები სიღნაღს იოსებ ნონეშვილმა მიუძღვნა და მართლაც ასეა. როდესაც სიღნაღიდან ალაზნის ველს გადაჰყურებ, გინდა ფრთები გამოისხა, გაფრინდე და ისე დატკბე მისი სიმშვენიერით. ეწვიეთ სიღნაღს – სიყვარულის ქალაქს.