გაბედეთ, და რომელიმე გოგოს უწოდეთ თხა! ცემას თუ გადაურჩით, წყევლა-კრულვა-გინებას ნამდვილად ვერ გადაურჩებით, მაგრამ ეგ დღეს, თორემ საუკუნეების წინ სულაც არ იყო ეგ პრობლემა.

სურათზე გამოსახულია თხა! ჰო, ვიცი რომ არ ჰგავს, მაგრამ დამიგდეთ ყური. ეს ფიალა მცხეთაში, არმაზის სამარხებშია აღმოჩენილი, რომაული სტილის მიდევნებით, იბერიაში დამზადებული, ბერძენი ქალღმერთის გამოსახულებიანი მედალიონი, რომელიც გამოსახულია სიუხვის ყანწით (იმედია მულტიკულტურალიზმს მიაქციეთ ყურადღება). ეს ჩვენებურად არის ყანწი, თორემ სხვა კულტურებში მას უბრალოდ რქა რქვია და მაინცდმაინც ჯიხვის არა - თხის! როგორც ავღნიშნე, ეს ქალღმერთი წარმოშობით ბერძენია და ამალთეა ჰქვია, ამალთეა კი არის თხა. აი, ზევსს რომ ძუძუს აწოვებდა ის და მის რქას ჰქონდა ყველაზე სასურველის მიცემის ნიჭი. (მერე ზევსმა თავისთან წაიყვან და ვარსკვლავად აქცია, მაგრამ თხა მაინც თხად დარჩა).

ასე, რომ - ისეთი შვენიერი ხარ, როგორც ამალთეა (ანუ თხა), მაინცდამაინც არაა კომპლიმენტი.

P.S. მთლად ასეც არაა საქმე, ამალთეა ზოგჯერ ფერიად, ნიმფადაც მოიაზრებოდა, მაგრამ დედანში იყო თხა!

ფოტო ნაციონალური, არქეოლოგიური საგანძურიდან.