პარიზის არარსებულ ბიბლიოთეკაში მოიპოვება ერთი წიგნი, რომელშიც მოთხრობილია ქართველი მეცნიერის სტუმრობის შესახებ. საქმე ეხება XVIII საუკუნეს და ამ მოგზაური მეცნიერის მანუსკრიპტს. იმავე წიგნის მიხედვით, საფრანგეთში, ლუის კარზე წასულ სულხან-საბას საქართველოდან საგზლად სამი რამ გაატანეს: ჩურჩხელა, შაქარყინული და მცხეთური ღვეზელი, საჩუქრად კი რამდენიმე ქილა მურაბა და ჯემი. საფრანგეთამდე შორი გზა ჰქონდა სულხანს, მაგრამ მისი კეთილი ბუნებიდან გამომდინარე, ლუკმებად გამოზომილ საგზალს, თანამგზავრებსაც უნაწილებდა გემზე. იტალიის ნაპირებთან მიილია ჩურჩხელა და შაქარყინული. რამდენიმე დღე შიმშილში გაატარა და როდესაც მცხეთური ღვეზელი მოაგონდა, მისი გემი უკვე პარიზს უახლოვდებოდა. ფრანგებმა უცხო გემს მტრული დახვედრა მოუწყვეს და საგულდაგულოდ გაჩხრიკეს. სულხან-საბას, ფრანგული ჟანდარმერიისთვის მხოლოდ ობისგან დაწინწკლული ღვეზელის და მურაბების შეთავაზებაღა შეეძლო. ფრანგებმა იუკადრისეს, მაგრამ როგორც უცხო კერძს, პატივისცემით მოეკიდნენ და სულხანს სთხოვეს მათ თვალწინ მოემზადებინა. მცხეთური ღვეზელი განსაკუთრებული იგრედიენტებით და ექსკლუზიური რეცეპტით მზადდებოდა. რა ექნა ქართველ მეცნიერს, სახელდახელოდ მოზილა ცომი და შიგთავსი გადანახული ჯემით ჩაანაცვლა.

ხვდებით ალბათ, ეს წიგნი პარიზული კულინარიის ისტორიაა, ხოლო ამ ამბავში მოთხრობილია ფრანგული კრუასანის დაბადება.

და აი დღეს, 2-3 საუკუნის შემდეგ, მე ეს კრუასანი გამოვაცხვე!