ჩემი უნივერსიტეტში სწავლის პერიოდში, განსაკუთრებით დასაწყისში, ხშირად მქონია ისეთი მომენტები დავალებების შესრულებისას, როცა დამატებითი ინფორმაციის მოძიება მჭირდებოდა იმისთვის, რომ გამეგო როგორ დამეწერა ტექსტი. ძიებისას ჩამონათვალში ხშირად მხვდებოდა Qwelly და სხვადასხვა ავტორის მიერ აქ განთავსებული ბლოგ პოსტი არაერთხელ დამხმარებია.

ჩემი გვერდის მიზანიც სწორედ ეს არის, რომ სტუდენტები როცა გაურკვევლობის დროს დამატებითი ინფორმაციის მოძიებას ცდილობენ, ჩემს მიერ ატვირთული ტექსტები გამოიყენონ. აქ განთავსებული ყველა პოსტი (ერთ დროს დავალება:)) დადებითად იყო შეფასებული ლექტორების მიერ, ამიტომ დარწმუნებული ვარ მათ აზრობრივ თუ ინფორმაციულ სისწორეში. 

ჩემი რჩევა იქნება, რომ არ გადააკოპიროთ ტექსტი თქვენს დავალებაში, რადგან ყოველთვის მოწმდება პლაგიატზე. ტექსტები გამოიყენეთ მხოლოდ იმისთვის, რომ უკეთ გაანალიზოთ სხვადასხვა ავტორის თეორიები. გარდა ამისა, ბლოგზე განთავსებულია რამდენიმე კვლევის ნიმუში, სადაც კარგად ჩანს თუ როგორი უნდა იყოს კვლევის (საბოლოო ანგარიშის) სტრუქტურა.

დიდი იმედი მაქვს, რომ ამ გვერდზე განთავსებული ტექსტები ვინმეს “გამოადგა” დავალებების წარმატებით შესრულებაში და მომავალშიც “გამოადგება”.