ადამიანები იცვლებიან!

წერენ ასე და ცხოვრობენ სხვაგვარად!!!

არ ვიტყვი, არაფრის დიდებით არ ვიტყვი ამას!

არც კი ვიცი რამდენჯერ დავწერე ისეთ საზოგადოდ-საყვარელ თემაზე როგორიცაა სიყვარული…

მაგრამ მაინც…

ყველამ გაიგოს ვისაც კი ჰყვარებია ანდა ფიქრობს რომ უყვარს…

ვიცი რაც გაიფიქრე ამის წამკითხველო, ნამეტანი ხომ არ მოსდის ავტორს როცა ყველას მიმართავსო, მაგრამ ასე მოვინდომე და ნუ დამძრახავ მაინცდამაინც… 

ჩემო კარგო, თვალებს რომ ღლი და გაინტერესებს სიყვარულზე რას ვწერ, აგერ გიპასუხებ ახლა…

რატომ არ შვენის სიყვარულს სიტყვა “მიყვარდა”

იმიტომ რომ…

სიყვარული არ არის ისეთი რამ რაც მოდის და მიდის…

სიყვარული არ არის წარსულში…

სიყვარული არ კვდება…

სიყვარული არ ნიშნავს მხოლოდ ურთიერთობას…

სიყვარული არ ნიშნავს რაიმეს მიწიერს…

სიყვარული არ ნიშნავს რაიმე ობიექტს. და თუ სიყვარული მხოლოდ შეგრძნება ანდა ჰორმონების რაღაც ნაყოფია, მაშინ სიყვარული მოკვდავია… არა მეგობრებო სიყვარული უკვდავია და ამიტომ არ შვენის სიტყვა “მიყვარდა”

როგორ უნდა შეძლო, შეიგრძნო და გამოთქვა: მე შენ მიყვარხარ ადამიანო? და მერმე ამისა თქვა მე შენ მიყვარდი ადამიანო…???

არა ჩემო კარგებო…

სიყვარული თუ ასეთი გგონიათ, იცოდეთ რომ ტყუვდებით…

სიყვარული არ სრულდება…

სიყვარული არ ნელდება… მხოლოდ გამოხატულება და ჩვენი აღქმა-ურთიერთობა იცვლება…

სიყვარული რჩება და საკმარისია ვინმემ იავნანა უმღეროს რომ ამოინთქმება და მოგედება, მაგრამ არ დაგწვავს და არც ვნებით შეგიპყრობს… გეყვარება და გაგათბობს… მაგრამ არაფერი მეტი…

სიყვარული ასეთია…

შემოდგომის სიყვარული ასეთია…

ყველაზე ლამაზი და სპეტაკი… უქარიშხლო და უვნებო… უკოცნელი და უგულისფორმო… მრგვალი და დაუსრულებელი…

ამიტომ ნურასდროს იტყვით ვინმეზე – “მიყვარდა”… ნუ იტკენთ გულს და ნურც სხვას ატკენთ…

სტატია დაკოპირებულია და ავტორი არ მომთხოვოთ! 

იდუმალად ვტოვებ :(