სისულელეა უფილტვებოდ სუნთქავდე ჰაერს,
სისულელეა ყველაფერი,
რაც გაქვს და არ გაქვს,
სისულელეა ანიც,
ბანიც,
განიც და ჰაეც,
სისულელეა ცხოვრება რომ კბილებით გაგაქვს.
სისულელეა,
სისულელე და
სი-სუ-ლე-ლე,
ყველა ჩასუნთქვა,
ამოსუნთქვა,
ძვალი და ხორცი,
სისულელეა შენი სისხლით სხვას ბანდე ხელებს,
ჰოდა,
გათავდა,
იმყოფინე,
მოეშვი,
მორჩი.
იყავი შენთვის,
გაერიდე ცრუსა და მართალს,
დაიდგი სულში უწყინარი,
მყუდრო "კელია",
მიდი,
შენს თავში გამოგზავნილ ღმერთისგან კაცთან,
დანარჩენი კი,
ერთი დიდი სისულელეა.