გავხდი შენი გრძნობის ემიგრანტი,
სისხლი ადუღდა და შეფერადდა,
რადგან იმნაირად შემიყვარდი,
როგორც კვაზიმოდოს ესმერალდა.

მკრთალი ოცნებები შეიფერე,
დედის საოცარი სახელი გაქვს,
რადგან იმნაირად შემიყვარდი,
როგორც ყრმა ჟ’ოფრეის ანჟელიკა.

სრულად ამ ბოლო დროს ჩემი ხარ და
გულზე იმედები მომეფინა,
რადგან იმნაირად შემიყვარდი,
როგორც ნაპოლეონს ჟოზეფინა.

სულში დამწყვდეული ლეთარგია,
დროის სტრიქონებით მორიე და
იცნე ისეთივე სიყვარული,
როგორც რომეომ და ჯულიეტამ.

ტანმა ჟრუანტელი შეიფარდა ,
ვნებაც სისხლ-ძარღვებში შეაბიჯებს,
რადგან იმნაირად შემიყვარდი,
როგორც ყმაწვილ დანტესს ბეატრიჩე.

გწერ და ვფიქრობ, ზემოთ ჩამოთვლილებს,
სჭირდათ შეგრძნებათა ანემია,
მაგრამ ,როგორც მე შენ შემიყვარდი,
ისე არცერთ მათგანს ჰყვარებია...