აისრიზენველტი გერმანული სიტყვაა და ნიშნავს "ყინულის გიგანტების სამყაროს" (Eisriesenwelt), იგი არის ბუნებრივი კირქვის ყინულის გამოქვაბული, რომელიც მდებარეობს ავსტრიაში, ზალცბურგიდან 40 კილომეტრში. მღვიმე მდებარეობს ჰოჩკოგელის მთის სიღმეში, ალპების მონაკვეთზე. ის არის მსოფლიოში ყველაზე დიდი ყინულის გამოქვაბული, რომელიც 42 კილომეტრზე გრძელდება და ყოველწლიურად 200 000 ტურისტი სტუმრობს.

      ოფიციალურად მღვიმე პირველად აღმოაჩინა 1879 წელს ზალცბურგერმა მეცნიერმა ანტონ პოსელტმა, თუმცა მან გამოიკვლია მღვიმის პირველი ორასი მეტრი. მის აღმოჩენამდე გამოქვაბულის შესახებ იცოდნენ მხოლოდ ადგილობრივებმა, რომლებსაც სჯეროდათ რომ ეს იყო ჯოჯოხეთის შესასვლელი. 1880 წელს პოსელტმა გამოაქვეყნა თავისი აღმოჩენების შესახებ ჟურნალში, თუმცა ეს მალე იქნა მივიწყებული.

      ალექსანდრ ფონ მორკი ზალცბურგერი სპელეოლოგისტი იყო ერთ-ერთი იმ მცირედთაგანში ვისაც პოსელტიც აღმოჩენა ახსოვდა. 1912 წელს მან მოაწყო რამდენიმე ექსპედიცია მღვიმეში, რომელსაც მალე სხვა მკვლევარებიც შეუერთდნენ, მაგრამ ფონ მორკი დაიღუპა პირველ მსოფლიო ომში 1914 წელს. 1920 წელს მკვლევარებისთვის აშენდა სპეციალური ქოხი და პირველი მარშუტები მოეწყო მთაზე. მღვიმემ პოპულარობა მალე მოიპოვა, იგი ტურისტებისთვის ერთ-ერთ საინტერესო ადგილად იქცა.

      1955 წელს პირველი საბაგირო ამოქმედდა, რამაც შეამცირა ასვლის დრო 90 წუთიდან 3 წუთამდე. დღესდღეობით მღვიმის მფლობელია ავსტრიის ეროვნული ტყის კომისიაა, რომელსაც იჯარით აქვს აღებული იგი ზალცბურგის ასოციაციისგან 1928 წლიდან.