ვინც ჯერ ფოტოები გადაათვალეირეთ და მერე დაიწყეთ კითხვა, გეტყვით - პარიზელი სულაც არ არის, წარმოშობით ვენესუელელია და ხუან კარლოს ფიგუერა ჰქვია (სახელიც და გვარიც ისეთ გავრცელებულია, ალბათ ასობით ხუან კარლოს ფიგუერა მოინახება მსოფლიოში). მხატვარი, არქიტექტორი და ურბანისტია, რომელიც ამჟამად პარიზში ცხოვრობს. გატაცებულია რა პარიზული არქიტექტურით მეტისმეტი მონდომებით ხატავს და გატაცებით სწავლობს მას. როგორც წესი ხატავს სულ რამდენიმე წუთის განმავლობაში, ექსპრომტად და მარტივად, ხატავს როგორც მთავარ ღირსშესანიშნაობებს - ეიფელს, ლუვრს, ნოტერ-დამს, ასევე მეტროსადგურებს, გაჩერებებს, შუკებსა და შარა გზებს.

რძისფერი ევროპული არქიტექტურა

      შეიძლება ამ სახელით მოინათლოს მისი ნამუშევრები, რომელიც წყლის საღებავებით, აკვარელით სრულდება და მიუხედავად ჩანახატური ტიპისა, არ კარგავს არც ერთ დეტალს, რომელიც კი შესაძლოა ფოტოგრაფს აესახა საკუთარ ფოტოკოლაჟებში.

      ისიამოვნეთ პარიზზე შეყვარებული კაცის ნამუშევრებით.

ეჰ, ნეტავ თბილისშიც ჩამოვიდოდეს, ხუან კარლოსი, ან სულაც, ქუთაისში. არ მოვაკლებდით დასახატს...