ანგელოზები ღრუბლებზე, ფრთიან სახლებში ცხოვრობენ.

ჩვენ ამ სახლებს ვერ ვხედავთ, რადგან ისინი ღრუბლებზე დგანან და როცა ქვემოდან უყურებ, ვერც კი გაარჩევ, რომ სახლია.

თუ ადამიანების სახლები მუდმივად ერთ ადგილას დგანან, ანგელოზების სახლები, თავიანთ პატრონებთან ერთად დაფრინავენ.

და ყოველ შობას, ანგელოზები სამოთხის კარიბჭსთან იკრიბებიან. ბუნებრივია, ამ დროს მათი სახლებიც იქვე შორიახლოს არიან, ვინაიდან ისინი მუდამ თან დაყვებიან თავიანთ პატრონებს.

სამოთხის კარიბჭესთან ფანტასტიკური ცხოველბიც მოფრინავენ, რომ კიდევ ერთხელ გაიხსენონ ის, რაც ბევრი წლის წინ მოხდა.

შემდეგ ანგელოზები მიწაზე ჩამოდიან, რათა იმათ დაეხმარონ, ვისაც უჭირს. ალბათ ამიტომაა, რომ შობას ყველა, განსაკუთრებით კი ბავშვები გრძნობენ, თითქოს მათ გვერდით ისეთი ვინმე იყოს, ვინც ყოველთვის მზადაა დაეხმაროს.

სანდრო ასათიანი გახლავთ ამ ჩანაწერის ავტორი,  თუ დაგაინტერესდებათ მისი სხვა ჩანაწერები , შეგიძლიათ იხილოთ მისი პირადი ბლოგი