* * *

ერთხელ ერთი ბიზნესმენი იდგა პირსზე პატარა სოფელში და აკვირდებოდა მეთევზეს, რომელიც ძველ და პატარა ნავში იჯნდა, უცებ მან ვეებერთელა თინუსი დაიჭირა. ბიზნესმენმა მიულოცა მეთევზეს წარმატებულობა, და ჰკითხა, რამდენი დრო სჭირდება, რომ დაიჭირო ასეთი თევზი.
- რამოდენიმე საათი, მეტი არა, - უპასუხა მეთევზემ.
- რატომ არ დარჩი ზღვაში და არ დაიჭირე კიდევ რამოდენიმე ასეთი თევზი? - გაუკვირდა ბიზნესმენს.
- ერთი თევზი საკმარისია, რომ ჩემმა ოჯახმა ხვალინდელი დღე იცხოვროს, - უპასუხა მან.
- კი მაგრამ, რას აკეთებ დღის განმავლობაში როცა არ თევზაობ?- არ ეშვებოდა ბიზნესმენი.
- მე მძინავს სადილამდე, შემდეგ რამოდენიმე საათით მივდივარ სათევზაოდ, შემდეგ ჩემს ბავშვებთან ვთამაშობ, შემდეგ მე და ჩემი ცოლი სიესტას ვიწყობთ, შემდეგ მივდივარ სოფელში სასეირნოდ, საღამოობით ღვინოს ვსვამ და მეგობრებთან ერთად გიტარაზე ვუკრავ. ხედავთ - მე ცხოვრებისგან სიამოვნებას ვღებულო, - აუხსნა მეთევზემ.
- მე - ჰარვარდი დავამთავრე, - უპასუხა ბიზნესმენმა, - მე დაგეხმარები, შენ ყველაფერს არასწორედ აკეთებ. შენ მთელი დღე უნდა ითევზაო, შემდეგ კი იყიდი დიდ ნავს.
- მერე? - ჰკითხა მეთევზემ.
- მერე უფრო მეტ თევზს დაიჭერ, და შეგეძლება იყიდორამოდენიმე ნავი, შეიძლება გემიც კი, და ერთ მშვენიერ დღესას შენ მთელი ფლოტი გეყოლება.
- შემდეგ რა?
- შემდეგ, იმის მაგიერ, რომ ჩააბარო თევზი მაღაზიაში, შენ თევზს პირდაპირ ქარხანაში მიიტან, და ამით გაზრდი შემოსავალს, რომლითაც შემდეგ შეგეძლება შენი ქარხანაც კი გახსნა.
- შემდეგ?
- შემდეგ დატოვებ ამ ღვთისგან მივიწყებულ სოფელს და გადახვალ დიდ ქალაქში, და, შეიძლება, ერთხელაც შეგეძლება გახსნა უზარმაზარი ოფისი და იყო იქ დირექტორი.
- რამდენი ხანი უნდა ამ ყველაფერის?
- 15-20 წელი.
- და შემდეგ რა იქნება?
- შემდეგ, - გაეცინა ბიზნესმენს,- დადგება ყველაზე სასიამოვნო მომენტი. შენ შეგეძლება გაყიდო შენი ფირმა რამდენიმე მილიონად და გახდე ძალიან მდიდარი.
- შემდეგ?
- შემდეგ შეგეძლება შეეშვა მუშაობას, გადახვალ პატარა სოფელში ზღვასთან ახლოს, სადილამდე იძინებ, ცოტას ითევზავებ, ითამაშებ ბავშვებთან, ცოლთან ერთად სიესტას მოიწყობთ, ისეირნო სოფელში, საღამოობით მეგობრებთან ერთად ღვინო დალიო და გიტარაზე დაუკრა..