წინასაარჩევნო ნიშად იქცა ჩანაწერები და კიდევ ერთი სერია გამოვიდა ამ მიმართლებიდან. ამჯერად ჩანაწერები ძველი დროისაა, მაშინ როდესაც წინა მილიონერ-მილიარდელი ცდილობდა ხელისუფლებასთან ომს. ბოლო დღეების მეინსტრიმი სწორედ ამ თემას უჭირავს. სხვა თემებია საპრეზიდენტო არჩევნები და ციტრამონი კლუბებში.

საქართველოს და მსოფლიოს ამბები / 18 ოქტომბერი, 2018 /

      კანდიდატები დღის ამბებში - დავით უსუფაშვილი - მრჩება განცდა, რომ „ქართული ოცნების“ რომელიღაც პიარ-ოთახიდან იმართება პროკურატურაც, უშიშროებაც, პოლიციაც, რამდენიმე ტელევიზიაც, სამინისტროც და თვითონ ბახტაძეც. სალომე ზურაბიშვილი - სიმბოლური მნიშვნელობა ექნება, რომ ერთ-ერთი პირველი ვიზიტი მქონდეს ავღანეთში, სადაც ჩვენი ჯარისკაცები იბრძვიან. სალომე ზურაბიშვილმა ვეტერანებთან შეხვედრისას ავღანეთში დაღუპული ჯარისკაცების ხსოვნას პატივი მიაგო. დავით ბაქრაძე რუსთავში ამომრჩევლებს შეხვდა. ნინო ბურჯანაძე - არ დაგაცინინებთ თავს, ბატონო ბიძინა და დანარჩენებო, რომლებიც მის გვერდით ხართ.

      აუდიო ჩანაწერები, პატარკაციშვილის მკვლელობასა და სხვა აბებზე - სავარაუდოდ მირზა სუბელიანი - მიშას კი არა, მთელ სამმართველოს დავაჭერინებ, ისეთი მიმოწერებია. სავარაუდოდ მირზა სუბელიანი - დაჭერამდე ორი დღით ადრე ავედი მინისტრ კახიშვილთან, ვჯდები-მეთქი და იმედია, შენი მხრიდან პ..ბა არ იქნება-მეთქი. სავარაუდოდ მირზა სუბელიანი - გამიშვით, ვაბშე, მიშას დავბრიდავ, სამი-ოთხი თვე მოვამზადებ და... ვაბშე იარაღს არ გამოვიყენებ, ისე დავბრიდავ, ორი ვარიანტია, ან უნდა დავბრიდო, ან უნდა შევეკრა. ნიკა გვარამია - სუს-ი ამზადებს ჩემი და მიხეილ სააკაშვილის საუბრის ჩანაწერს გამოსაგდებად... რაღაც კომბინაცია სხვადასხვა საუბრების. სახალხო დამცველი საგამოძიებო მასალებზე წვდომას ითხოვს. რომან გოცირიძე - მირზა სუბელიანი არის დამნაშავეც და მსხვერპლიც, რადგან მოუწია უფრო დიდი დანაშაულის აღიარება, რომელიც დაუსჯელი არ დარჩება. გიორგი ვაშაძე - ყოველდღიურად ვხედავთ დამადასტურებელ ფაქტებს თუ როგორ დანაშაულებრივ სისტემაში ვცხოვრობთ. გრიგოლ ვაშაძე - ფარცხალაძე რომ არ ყოფილიყო, სააკაშვილის შესახებ სიმართლეს ვერასდროს გავიგებდით. ზაქარია ქუცნაშვილი სუბელიანთან დაკავშირებულ ჩანაწერებზე - ამას შანტაჟს დავარქმევდი, როდესაც საუბარია იმაზე, რომ „რაღაც მაქვს და თუ არ მომეხმარებით, გამოგიქვეყნებთ“. გოგა ხაინდრავა სუბელიანზე - მე არ მეგულება საქართველოში არც ერთი მამა, რომელიც თავისი შვილის დაცვას არ შეეცდება. ზაქარია ქუცნაშვილი არ გამორიცხავს, რომ დავით ცუხიშვილი მირზა სუბელიანთან ციხეში, შესაძლოა, ერთჯერადი ორდერით, როგორც უფლებადამცველი შევიდა. გოგა ხაინდრავა - სააკაშვილმა 2008 წლის 7 აგვისტოს, 02:00 საათზე საკუთარ მოსახლეობას გაუხსნა ცეცხლი, ეს იცის მთელმა მსოფლიომ.

      ციტრამონის გამყიდველები - ადვოკატების ინფორმაციით, დადასტურდა, რომ „ბასიანსა“ და „გალერიში“ სპეცოპერაციისას დაკავებული 3 პირი ნარკოტიკის ნაცვლად ციტრამონს და პარაცეტამოლს ჰყიდდა. პროკურატურა ტყუილს უწოდებს ინფორმაციას, რომ „ბასიანსა“ და „გალერიში“ სპეცოპერაციისას დაკავებული რამდენიმე პირი ნარკოტიკის ნაცვლად ციტრამონს და პარაცეტამოლს ჰყიდდა. შსს-ში ადასტურებენ, რომ „ბასიანსა“ და „გალერიში“ დაკავებული ორი პირისგან შეძენილი ნივთიერების ნაწილი ნარკოტიკი არ აღმოჩნდა.

      ეკონომიკის მომავალი - გიორგი ქობულია - ჩვენი ეკონომიკის წინსვლის ბერკეტი ექსპორტის განვითარებაა.

      ვაშლის მოსავალი - გარემოს დაცვისა და სოფლის მეურნეობის სამინისტრო - ვაშლის მოსავლის აღება აქტიურ ფაზაში შედის.

      ავტობუსების შუქნიშები და ქალაქური ნიუსები - თბილისში ავტობუსებისთვის სპეციალური შუქნიშნები დამონტაჟდება. ტექნიკური ინსპექტირების გაუვლელობის გამო, თბილისში 200-მდე მიკროავტობუსი და 100-მდე ავტობუსი გაჩერებულია. ტრანსპორტის საქალაქო სამსახურის უფროსი - თბილისს ჯამში 900 ავტობუსი ეყოლება, ხოლო ყოველდღიურად ხაზზე 750 იმოძრავებს.

      უცხოელი დამრღვევები - თბილისში ავტობუსებისთვის სპეციალური შუქნიშნები დამონტაჟდება.

      ერთი დღის მოლოდინი - ჯონათან კაცი - საქართველო ახორციელებს დემოკრატიულ რეფორმებს და ერთ დღეს აუცილებლად გახდება ნატოს წევრი. ელჩის არა - ევროკავშირის ელჩი - თუ მეკითხებით, არის თუ არა დღეის მდგომარეობით საქართველო მზად ევროკავშირის წევრობისთვის, პასუხი იქნება - არა, არ არის მზად.

      ოკუპაციის პრობლემა ეკლესიაშიც - დეკანოზი მიქაელ ბოტკოველი - როცა ჩვენი ტერიტორიის 20% ოკუპირებულია, არასწორია საქართველოს ეკლესიამ უპირობოდ დაუჭიროს მხარი კონსტანტინოპოლის ეკლესიას.

საზღვარგარეთულები:

      სანქციების სიმცირე - მაიკ პომპეო - აშშ-მა შესაძლოა თურქეთს სანქციები ეტაპობრივად მოუხსნას.

      მემკვიდრეზე ეჭვმიტანილობა - The New York Times - აშშ-ს სპეცსამსახურები ვარაუდობენ, რომ ჟურნალისტ ჰაშქაჯის მკვლელობაში საუდის არაბეთის მემკვიდრე პრინცია გარეული.

      სერგეი ლავროვი – ევროკომისია იმ სახელმწიფოების გავლენის ქვეშ არის, რომლებსაც მოსკოვთან კარგი ურთიერთობები არ სურთ.

      32 ათასი პატიმარი - თურქეთის იუსტიციის მინისტრი - ფეთჰულა გიულენის ორგანიზაციის საქმიანობის ხელშეწყობისთვის, ციხეში სასჯელს 32 000 ადამიანი იხდის.