დღესასწაულს დღესასწაული მიყვა და დღეს უკვე სეტიცხოვლობას ვზეიმობთ, რადგან ჩვენი სამოციქულო ეკლესის ერთ-ერთი უდიდესი და უძველესი ტაძარი, სვეტიცხოველი, სწორედ იესო ქრისტეს თორმეტი მოწაფი სახელზეა აგებული და თორმეტი მოციქულის ხსენების დღეს, სვეტიცხოვლობაც იზეიმება. ამ დღესთან დაკავშირებით, პატრიარქმა სვეტიცხოველში წირვა აღავლინა და წირვის შემდეგ, 600 ბავშვიც მონათლა.

საქართველოს და მსოფლიოს ამბები /13 ივლისი, 2017/

      დავიწყოთ ბოლო პერიოდის ყველაზე მნიშვნელოვანი ნიუსებით, რაც საქართველოს ტერიტორიის მთლიანობასა და ავმეზობელთან ურთიერთობებს უკავშირდება. საქართველოს პატრიოტთა ალიანსი მოსკოვში ჩავიდა. მოსკოვი რუსი და ქართველი პარლამენტარების ურთიერთობის მზაობას ადასტურებს. ლევან იზორია - რუსეთთან პირდაპირი დიალოგი გამორიცხულია, რადგან დეოკუპაციისკენ მიმართულ კონკრეტულ ქმედებებს ვერ ვხედავთ. კაზაკთა რაზმი, რუსეთის უსაფრთხოების ფედერალური სამსახურის სასაზღვრო სამმართველოსთან ერთად, რუსეთ-საქართველოს საზღვრის დაცვაში მონაწილეობას მიიღებს. ქეთევან ციხელაშვილი - გადაუჭრელი კონფლიქტები, განგრძობადი ოკუპაცია ლოკალური პრობლემა არ არის, არც მხოლოდ ერთი ქვეყნის პრობლემაა. იან კელი - საქართველოს სუვერენული უფლებაა დიალოგი ჰქონდეს რუსეთთან, აწარმოოს მოლაპარაკება ურთიერთობის დარეგულირებისთვის. ირაკლი კობახიძე - ქვეყნის მცოცავი ოკუპაცია კვლავ მიმდინარეობს. იან კელი - საქართველო ევროატლანტიკური საზოგადოებისკენ მიისწრაფის და ჩვენ მხარს ვუჭერთ მას. სერგი კაპანაძე - რუსეთის მხრიდან საქართველოს ოკუპაცია გრძელდება და უფრო აგრესიული ხდება. სალომე სამადაშვილი - ევროპელი კოლეგები ბევრად უფრო მწვავედ საუბრობენ ოკუპაციის საკითხზე, ვიდრე ჩვენი ხელისუფლების ზოგიერთი წარმომადგენელი.

      პრეზიდენტმა ქვეყანა შეაქო, უფრო ზუსტად მისი განვითრება - გიორგი მარგველაშვილი - შეგვიძლია კმაყოფილებით ვთქვათ, რომ ევროპულ გზაზე ქართული სახელმწიფო და საზოგადოება ნამდვილად წარმატებულად ვითარდება. პრემიერმაც არ დააკლო - გიორგი კვირიკაშვილი - ევროპული ინტეგრაცია საქართველოსთვის უალტერნატივო და შეუქცევადი პროცესია. და აბა ვინ აკლია ამ დუეტს? რა თქმა უნდა პარლამენტის თავმჯდომარე - ირაკლი კობახიძე - ჩვენი ქვეყნისა და ხალხის ოცნება, გახდეს ევროპული ოჯახის სრულფასოვანი წევრი, აუცილებლად ახდება. ამის მეტი თანხმობა უკვე ნამეტანი იქნებოდა, ამიტომ სხვადასხვა განცხადებებს შემოგთავაზებთ: ირაკლი კობახიძე - ქვეყანა გადადის დემოკრატიული კონსოლიდაციის ახალ ეტაპზე, საკონსტიტუციო რეფორმა სწორედ ამ ისტორიულ ამოცანას ემსახურება. პრეზიდენტი - კედლები, რომლებიც აგებულია უსამართლობისა და სხვისი ჩაგვრის საფუძველზე, ისე დაინგრევა, როგორც დაინგრა ევროპაში. პრემერმა განაგრძო პრეზიდენტის სიტყვა - პრემიერ-მინისტრი - ჩვენ არასოდეს შევეგუებით ოკუპაციას და ყველა მშვიდობიან გზას გამოვიყენებთ, რომ მომავალი თაობა ამ უმძიმესი მემკვიდრეობისგან გავათავისუფლოთ. გიორგი კვირიკაშვილი - ევროპულ ინტეგრაციასთან დაკავშირებით ჩვენ გვაქვს მკაფიო ხედვა და ასევე ამ ხედვის რეალობად ქცევის გეგმა.

      ევროპამაც გაგვიღიმა - ევროკომისიის ვიცე პრეზიდენტი - საქართველო ევროკავშირთან მიმართებაში თავის ვალდებულებებს ასრულებს და ჩვენ ამის ნაყოფს უკვე ვხედავთ. საჰაერო ხომალდები, რომლებიც საქართველოში მოფრინავენ და პირიქით, გადავსებულია (ალბათ, ტურისტები იგულისხმა).

      კარგად ნაკეთები ფასადები იშლება ნელ-ნელა, გუშინ ჯანსუღ კახიძის მუსიკალური ცენტრის კედლის ჩამონგრევის შედეგად გამვლელი დაშავდა. აღმაშენებელზე შენობის კედლის ჩამონგრევისას დაშავებულის ახლობლები პასუხისმგებლობას თბილისის მერიას აკისრებენ.

      ხმაურინი დაკავება აღმოჩნდა, ქრთამის საქმეზე აყვანილი მერიის თანამშრომლის ამბავიც. ადვოკატმა ოთარ აბესაძესთან გასაუბრება მეორე მცდელობის შემდეგაც ვერ მოახერხა, მაგრამ დაახლოებით 11 საათზე, ე.წ. მოდულის შენობაში მაინც შეხვდა ოთარ აბესაძეს. სუს-მა ოთარ აბესაძის ადვოკატს საქმის მასალები, მათ შორის სამი დისკი გადასცა.

      მეორე ხმაურიანი დაკავება ეხებოდა ელისო კილაძის შვილს, რომელიც დღეს სასამართლო დარბაზიდან გაათავისუფლეს - ელისო კილაძის შვილი - უდანაშაულო ვარ, ნარკოტიკი ჩამიდო ვასაძემ, რომელიც პოლიციელის შვილია. ელისო კილაძე - გამამტყუნებელი განაჩენი ჩემი შვილის საქმეზე ალბათ ვეღარ დადგება.

      საპატრიარქო საზოგადოებას აფრთხილებს, რომ ანაფორით შემოსილი ადამიანები, რომლებიც ქუჩებში მოწყალებას ითხოვენ, შესაძლოა, სასულიერო პირები არ იყვნენ.

      ჯერ ვინ მოიფიქრა ეს ნორმა და ახლა კიდევ, აკრძალვა რომ გაანიუსეს - სასამართლომ ძალადაკარგულად ცნო ნორმა, რომელიც მამაკაცთან სქესობრივი კავშირის მქონე მამაკაცის დონორობას კრძალავს. მეორე აკრძალვაც საინტერესოა - საკონსტიტუციო სასამართლომ ძალადაკარგულად ცნო ნორმა, რომლითაც 0,00009 გრამი დეზომორფინისთვის თავისუფლების აღკვეთის გამოყენება მოხდა.

      ეს კაცი ან იტყუება, ან #qwellynews-ის კითხვა არ უნდა ან მისთვის მნიშვნელოვანი სულ სხვა რამეა - გიორგი ბარამიძე - იმ საკითხებზე, რომელიც ჩვენთვის მნიშვნელოვანია, ქვეყნის უმაღლესი რანგის არც ერთმა პირმა ევროპელი კოლეგების წინაშე არ ისაუბრა.

      კინაღამ გამომრჩა, ხვალ, 14 ივლისს, იქნება ქართული მარში. ამ თემაზე - სალომე ზურაბიშვილი - თუკი ხვალინდელი დემონსტრაცია ქსენოფობიურ მარშად უნდა გადაიქცეს, ეს ქვეყანას, მის წარსულსა და ტრადიციებს არ ეკადრება.

საზღვარგარეთულები:

      ტრამპმა, ხომ ამბობდით პუტინის კაცი ვარო, არაო - დონალდ ტრამპი - ვლადიმერ პუტინს ჰილარი კლინტონის გამარჯვება აწყობდა. პრეზიდენტ პუტინთან მკაცრი საუბარი მქონდა-ო ესეც დაამატა. ამის მიუხედავად, ტრამპმა კონგრესმენების გული ვერ მოიგო - კონგრესმენები ბრედ შერმანი და ელ გრინი დონალდ ტრამპის იმპიჩმენტის ინიციატივით გამოდიან. ვითომც არაფერიო, დონალდ ტრამპი საფრანგეთს ესტუმრა. სარა სანდერსი - დონალდ ტრამპის იმპიჩმენტზე ორი „დემოკრატი“ კონგრესმენის ინიციატივა, სასაცილოა.